2024 чылдыӊ март 18-те Бии-Хем кожууннуӊ «Шивилиг» доскуул черинге Тыва Республикада ИХЯ-ныӊ ОШАЧКИ эргелели автотранспорттар хыналдазыныӊ үезинде янзы-бүрү бижиктерлиг, эзиртир суксун аймаан илереткен.
Тыва Республиканыӊ лицензиялыг чѳпшээрел бээр албанныӊ ажылдакчылары этилдиг спирттиң шынарын, хемчээлин, садып-саарылгазын хынап турар Чаңгыс аай күрүнениң автоматчыткан медээ системазын (ЕГАИС) таварыштыр хоойлуга удур шынзыткан документилери чок, 7290 шил (8247,6 литр) санныг арага аймаан тодараткан.
Тыва Республикада ИХЯ биле Тыва Республикада Красноярскының каайлы албаныныӊ каттышкан хемчеглериниӊ түӊӊелинде, хоойлуга удур садып-саарар деп турган 8 тонна эзиртир суксунну хавырган.
ИХЯ-ның медээлеринден.
«Шын» №22 2024 чылдың март 23
