Июнь 9-12 хүннеринде Хакасияга VI дугаар Делегей чергелиг “От ыры” фестиваль-мөөрей болуп эрткен. Аңаа Тывадан “Аян” бөлүүнүң ыраажызы Ай-Кыс Кыргыс киришкеш, Гран-при шаңналды чаалап алган.
Бир дугаар “От ыры” фестиваль-мөөрей 1992 чылда Абаканга республика чергелиг национал эстрада ырларының телемөөрейи кылдыр эгелээн. 1994 чылда Бурятия, Алтай болгаш Тывадан ыраажылар киришкени-биле, фестиваль-мөөрейниң деңнели регионнар аразының чедир өзүп келген. 2008 чылда «От ыры» фестивальга Россиядан дашкаар чурттардан профессионал-даа, бот-тывынгыр-даа ыраажылар киришкен. Оон бээр фестиваль-мөөрейниң деңнели чылдың-на өскерлип турар болу берген: республика, бүгү-россия болгаш делегей чергелиг эрткилеп турар.
2023 чылда фестиваль-мөөрей делегей чергелиг эрткен. Аңаа Кыдат, Моол, Белоруссия, Казахстан, Кыргызстан, Башкортостан, Соңгу Осетия-Алания, Крым, Бурятия, Хакасия, Алтай болгаш Тывадан ыраажылар киришкен.
Жюриниң 100 балл үнелелин бүзүрелдии-биле чаалап алгаш, Ай-Кыс Кыргыс фестиваль-мөөрейниң кол шыңналынга төлептиг болган.
ТР-ниң Культура яамызының медээзи-биле