Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Алдар-адын мөӊгежидер

27 сентября 2023
15

Ада-чуртунуӊ төөгүзүнге хүндүткелдиг болурунга кижизидери, патриотчу чорукка өөредири, чоннуӊ кижизиг мөзү-бүдүжүн улам быжыглаары ниити күрүнениӊ кол сорулгалары болур.


Бо бүгүнү амыдыралга боттандырары-биле Тыва Республиканыӊ Баштыӊы Владислав Ховалыг Чарлык үндүрген.
«Кым-даа, чүү-даа уттундурбаан». Донецк биле Луганск республикаларныӊ, Запорожье биле Херсон областарыныӊ, Украинаныӊ девискээринге тускай шериг операциязыныӊ үезинде шериг хүлээлгезин күүседип тургаш мөчээн бистиӊ чаӊгыс чер чурттугларывыска ханы хүндүткелди илередип, оларныӊ дугайында сактыышкынны кадагалап арттырарыныӊ дугайында 284 дугаарлыг Чарлыкта тодаргай бижээн.

Тускай шериг операциязынга шериг хүлээлгезин күүседип тургаш, мөчээн шеригниӊ; аар кемдеп балыгланган соонда, чок апарган, ол ышкаш ис чок чиде берген шеригниӊ; дайынчы байдал үезинде туттурган-даа болза, Төрээн чуртун сатпаан, бодунуӊ ат-алдарын болгаш кижизиг мөзүзүн ышкынмайн, мөчээн шеригниӊ алдар-адын мөӊгежидер.

Тыва Республиканыӊ Чазаа дараазында ажылдарны организастаар:

- Тыва Республиканыӊ Сактыышкын Дептерин электроннуг хевирге тургузар база чорудар. Аӊаа тускай шериг операциязыныӊ киржикчилерин демдеглеп бижиир;

- Тускай шериг операциязыныӊ үезинде мөчээн шеригниӊ ады-биле кудумчуну, шөлдү, географтыг объектини (чер, даг, хем), организацияны, ол ышкаш өөредилге организациязын, албан черин адааш, аӊаа тураскаал бижиктиг самбыраны тургузар;

- Шеригниӊ эрес-дидим чоруктарныӊ булуӊун, алдар музейин, тускай шериг операциязыныӊ үезинде мөчээн шеригниӊ маадырлыг чоруунуӊ дугайында делгелгелерни кылыр;

- Тускай шериг операциязыныӊ үезинде мөчээн шериглерниӊ дугайында материалдарны солун-сеткүүлдерге, радио-теледамчыдылгаларга, «Интернет» информация-телекоммуникация четкизинге чырыдар, оларныӊ маадырлыг чоруунга тураскааткан чогаадыкчы ажылдарны кылыр, чогаалдарны бижиир;

- Шериг-патриотчу кичээлдерни, спортчу хемчеглерни, шуулганнарны тускай шериг операциязыныӊ үезинде мөчээн шериглерге тураскаадып эрттирер;

- Чуртумнуӊ хамаатызы мен деп чүүлдү угаап билип, чурумнуг болуп, ниитилелдиӊ хөгжүлдезинге бодунуӊ үлүг-хуузун идепкейлиг киирип чоруур деп идеяны, патриотчу чорукту аныяктар аразынга суртаалдап, тускай шериг операциязыныӊ үезинде мөчээн шериглер дугайында чырык сактыышкынны салгалдарга дамчыдар чаӊчылды эгелээр;

- Тускай шериг операциязыныӊ үезинде мөчээн шериглерниӊ маадырлыг чоруунуӊ дугайында эртем-шинчилел болгаш чырыдыышкын ажылын чорудар;

- Патриотчу клубтарныӊ, төөгүнү истеп тывар каттыжыышкыннарныӊ, чурт-шинчилел организацияларыныӊ ажылынга дузалажыр;

- Тускай шериг операциязыныӊ үезинде мөчээн шериглерниӊ алдар-адын мөӊгежидер талазы-биле ниитилелге ужур-дузалыг саналдарны амыдыралга боттандырар;

- Тускай шериг операциязыныӊ үезинде мөчээн шериглерниӊ чевеглерин күрүне учедунга тургузар, оларны чаагайжыдып, ажаап карактаар.

Үстүнде бижээн ажылдарны кылып эгелээрин кожууннарныӊ тус чер бот-башкарылга органнарынга сүмелээн.

Эрес-дидим дайынчыларныӊ алдар-адын мөӊгежидериниӊ талазы-биле бүгү ажылды организастаарын Тываныӊ Чазак Даргазыныӊ оралакчызы Тимур Кууларга дагзып каан.

Р. ДЕМЧИК белеткээн


«Шын» №73 2023 чылдың сентябрь 27