Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

«Алдын холдуг» шеверлерни чалап тур

12 июня 2024
3

Россияныӊ Камгалал яамызыныӊ шериг кезектеринге идик-хеп, орун-дөжек херексели даарап турар «БТК групп» акционерлиг ниитилелдиң салбырын Кызылга 2022 чылда ажыткан. Бо хүннерге чедир цех ажылын үргүлчүлеп турар.


Дааранылга цегиниң ажыл-чорудулгазы калбарып, кылыр ажылдың хемчээли улгаткан. Ынчангаш «БТК групп» бо чылын ийи катап «ажык эжиктер» хүнүн организастап, ажылдаар күзелдиглерни чалаан. Шак ындыг ажылды ам июнь 14-те үш дугаар организастаары бо.

«Работа России» Чонну ажылга хаара тудар төп биле «БТК групп» КХН бо чылын үш дугаар «ажык эжиктер» хүнүн эрттирери бо. Организация улгадырга, хостуг олуттар тургустунуп келген. Баштайгы ийи ажык эжиктер хүнүнүң түңнелинде, 20 хире даараныкчы немешкен. Бо удаада 40 ажылчынны хүлээп алыр дээш, мөөрейни чарлааны ол.

Бир эвес мөөрейге киржип келген хамааты даараныр дуржулга чок болза, өөренип алыр арга бар. Ийи неделя дургузунда даараныр машинага канчаар ажылдаарын айтып, өөредир. Тускай өөредилгени эрткен соонда, ажылдап кириптер.

Ажылдаар күзелдиглер хөй-даа болза, шилилге шыңгыы болур дээрзи чугаажок. Ынчангаш даараныр ажыл-биле чоок улус мөөрейге киржири күзенчиг. Даараныр машина-биле ажылдап билир бе, даараар, быжар талазы-биле билии бар бе, чок бе дээш шупту талазын хынаар. Кандыг-даа ажылга шыдамык чорук чугула. Ынчангаш олура үр ажылдап шыдаарын, кызымаан база өөренип көөр» – деп, «Работа России» кадрлар төвүнүң парлалга албанының ажылдакчызы Диана Кызыл-оол чугаалаан.

Мөөрейге киржир күзелдиглерни Кызыл хоорайның Калинин кудумчузунуң 23а дугаар бажыңынга чедип келирин дыңнадып тур.

А. ОНДАР.

"Шын" №43 2024 чылдың июнь 12