Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Ам-даа 13 башкыны деткиир

13 января 2024
11

Россияның Президентизи Владимир Путин Анадырьга хөй-ниитижилер-биле ужуражып тургаш, «Көдээ черниң башкызы» деп программа хереглелдиг, ынчангаш ооң боттанылгазын 2030 чылга чедир узаткан деп дыңнаткан. Ол ышкаш аныяк башкыларга ажыл-агыйын эгелеп алырынга идиг бээр 2 сая рубль деткимче бээринден аңгыда, оларның өг-бүлезин чурттаар оран-сава-биле хандырар база амыдырал-чуртталгазының айтырыгларын шиитпирлеп алырынга деткимче көргүзери эргежок чугула деп, чурттуң баштыңы демдеглээн.

Федералдыг деткимче көдээ школаларны бедик арга-мергежилдиг специалистер-биле хандырар арганы берип турар дээрзин Тываның Баштыңы Владислав Ховалыг демдеглээн.

«Бистиң Президентивис «Көдээ черниң башкызы» төлевилелди 2030 чылга чедир узаткан. Тывага Владимир Владимировичиниң шиитпири дыка чугула. Федералдыг деткимче көдээ школаларны бедик арга-мергежилдиг специалистер-биле хандырар арганы берип турар. Чижээ, 2020 чылда Алефтина Ооржак «Көдээ черниң башкызы» программа-биле Каа-Хем кожууннуң Бүрен-Бай-Хаак сумузунче ажылдап-чурттап чораан. Алефтина Александровна тус школада биология болгаш химия башкызы болуп ажылдап турар. Ооң өөреникчилери олимпиадалар болгаш конференцияларга киришкеш, эки көргүзүглерни көргүзүп турар. Алена Хорлуу – 2022 чылдың киржикчизи, Барыын-Хемчик кожууннуң Дөң-Терезин школазының орус дыл болгаш литература башкызы. Алена Александровнаның кижизиттирикчилериниң өөредилгезиниң шынары чүс хуу. Башкылар боттары база башкылал мергежилиниң талазы-биле мөөрейлерге шаңналдыг черлерни ап турар» — деп, регионнуң Баштыңчызы социал четкиде бодунуң каналынга бижээн.

Тывага «Көдээ черниң башкызы» программа боттанып эгелээнден тура, 49 киржикчи 1 сая рубль деткимче акшазын алгаш, көдээ черлерже ажылдап-чурттап чораан. 2024 чылда күрүне программазы-биле ам-даа 13 башкыга деткимчени көргүзер деп, Тываның Баштыңы бижип турар.

А. СОЯН.

Чуруктарны интернеттен алган.

"Шын" №2 2024 чылдың январь 13