Кызылга “Шаман” деп чаа фильмниң таныштырылгазынга актер Амаду Мамадаков келир.
Январь 15-те Найырал кинотеатрынга “Шаман” деп фильмниң көрүлдези болуп эртер. Кол рольдарның бирээзинде Амаду Мамадаков ойнап турар. Актер чаа фильмниң таныштырылгазынче албан-биле кел чыдар.
Амаду Мамадаков – “Солдаты” деп билдингир телесериалда Вакутагинниң, “Монгол” деп фильмде Таргутайның, “9 рота” деп боевикте Курбаштан дайынчының рольдарын ойнааны-биле алдаржып турар Россияның театр болгаш кино актеру.
Алтай Республиканың болгаш Тыва Республиканың алдарлыг артизи.
Январь 15-те фильни көргүзүп турар үеде Амаду Мамадаков көрүкчүлерниң айтырыгларынга харыылап, кинону тырттырып турда чажыт чүүлдер дугайында чугаалап бээр.
2025 чылда Красноярск крайның, Тываның болгаш Хакасияның девискээрлеринге тырттырып эгелээр уран-чечен фильмде Россияның Маадыры Мерген Донгактың рольюн Амаду Мамадаков шилип алганы чай эгезинде билдинип келген.