Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Аргыжылга айтырыы

26 декабря 2023
26

Кышкы үеде чонну дүвүредир айтырыглар-ла хөй. Ылаңгыя чыккылама сооктар кээрге, аргыжылга айтырыы улам-на чидиглени бээр. «Туваавтотранс» ААН-ниң директорунуң хүлээлгезин күүседип турар Салбакай Моңгуш-биле бо дугайында чугааны кылдывыс.

– Салбакай Евгеньевна, бо хүнде «Туваавтотранстың» автопарыгында каш автобус ажылдап турар ирги?

– Ниитизи-биле 36 автобус ажылдап турар. Оларның 28-и хоорай иштинде, а 8-и кожууннар аразында халып турар. 47 чолаачы, 37 кондуктор ажылда хаара туттунган.

– Кудумчу автобустары каш шактан тура ажылдап эгелээш, каш шакка чедир ажылдап турарыл?


– Ажыл хүннеринде эртенгиниң 6 шактан 30 минута ажып турда, автобустар халып эгелээш, кежээкиниң 22:15 минутага чедир ажылдаар. Дыштаныр болгаш байырлал хүннеринде эртенгиниң 7:00 шактан кежээ 21:00 шакка чедир.

– Автобустарының чиигелделери бар бе? Кандыг кижилерге чиигелделер көрдүнгенил?


– Амгы үеде инвалидтерге чиигелделер хоорай иштиниң автобустарында көрдүнген. «Мир» социал картазынга чиигелделиг орук өртээн кожуп алыр. Кудумчу автобузунга айда он катап халас олуруп болур. Чиигелделиг орук өртээн алырда, чурттап турар чериниң аайы-биле социал камгаладылга черинге баргаш, билдириишкин бижиир.

– Организацияда кадрлар айтырыы кандыг байдалда ирги?


– Шиитпирлеттинмейн турар айтырыгларының бирээзи – автобустарга чолаачылар хереги. Ам-даа 15 чолаачының олуду хостуг. Чолаачылаарда, бир-ле дугаарында, тахограф эрттерде ажыглаар картазы болгаш шииттирип чорбаан дугайында шынзылга бижик херек. 2023 чылдың март 1-де ооң мурнунда аар кем-херек үүлгедиишкини дээш шииттирип чораан хамаатыларны хөй-ниити транспортунга чолаачылатпас дугайында хоойлу үнгенин сагындырып каайн.

– Казыыр 50 градус сооктарда автобустар канчаар ажылдап турар ирги? Сооктуң салдары база бар боор аа?


– Ийе, соок күштелирге, чамдык автобустар үрели бээр, дедир чылыг гаражче сөөртүр ужурга таваржыр. Ынчангаш чамдыкта эртенги шактарда автобустарның саны эвээжей бээр ужуру ында.

Айдың ОНДАР

Чурукту интернеттен алган.


“Шын” №98 2023 чылдың декабрь 23