Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Арыг суг – кадык амыдыралдың үндезини

16 мая 2024
11

Чеди-Хөлдүң Хову-Аксы суурда суг айтырыы шаандан тура-ла нарын айтырыгларның бирээзи турган. Чурттакчы чоннуң чугаалап турары-биле алырга, часкы, күскү үелерде крандан малгаштыг куу суг бадып эгелээр. Ынчан ырадыр чедип шыдаар хөлгелиг чон ырактан суглаар, а өскелеринге тус черниң чагыргазы суг сөөртүр машина дузазы-биле сугну эккеп, чонга үлээр.

Амгы үеде Хову-Аксында суг сордурар пунктунуң тудуу адакталып турар. Ол чурттакчы чоннуң ижер суг талазы-биле берге айтырыын шиитпирлээр ужурлуг. Удавас тус черниң чурттакчыларынга арыг болгаш шынарлыг суг чедип турар апаар. Ооң уламындан чоннуң кадыкшылы болгаш амыдыралының шынары экижиир.

“Дыштаныр хүн санында азы ажыл-херек аайы-биле чоруур үелерде суглаар саваларывыс албан ап алыр-дыр бис. Чаа суг сордурар пункт ажылдай бээрге хемден суглап, савалар сөөртүп турбас апаар бис. Чер адаандан арыг сугну биске эккеп эгелээр пункт ажылдай бээри дээрге улуг өөрүшкү-дүр” – деп, Чеди-Хөл кожууннуң чурттакчызы өөрүшкүзүн илереткен.

Ук объектини 2019 чылда тудуп эгелээн хүлээникчи организация чедир кылбайн, ара каггаш чоруй барган соонда, тудугну уламчылаарын билдинмес хуусааже чылдырган.

Эрткен чылдың февраль айда Тываның Баштыңы Владислав Ховалыгның күжениишкини-биле “Стройспецмонтаж” хүлээникчи организация ук объектини чаартыр ажылды кылып эгелээн.
“Амгы үеде суг сордурар пунктуну чаартыр ажылдар адакталган. Ону долгандыр тудуг артынчыларын аштап- арыглааш, ногаанчыдып, чараштаар ажылдар арткан” – деп, участок мастери Ишхан Буликян чугаалаан.

Хову-Аксында чаа суг сордурар пунктунуң төлевилелин бүгү чурттакчы чонну арыг суг-биле хандырып шыдаптар кылдыр тургускан. Амгы үеде суурда 4 муң хире кижи чурттап турар, а объектини 5 муң чурттакчыга чеде бээр кылдыр кылган. Ол канчаарга-даа чурттакчы чоннуң хереглелинге чедер дээрзин Чеди-Хөл кожууннуң чагыргазының Күрүне камгалалы болгаш онза байдалдар килдизиниң даргазы Юрий Тюлюш демдеглээн: “Бо объектини тудуп турар сорулгазы – бисти, Хову-Аксының чурттакчы чону, арыг суг ишсин дээш кылып турар”.

Суг сордурар пунктунуң тудуун 2 чадага аңгылаан. Баштайгызынга белеткел ажылдары хамааржыр. Ол дээрге суг турар резервуарларны болгаш хоорзаларның көвеглерин салыры-дыр. Ийи дугаарында, суг сордурар насостарны тургузуп, ажыглалче киирери. Чаа суг сордурар пунктунуң тударынче ниитизи-биле 111 сая рубль кирген.

Чыжыргана СААЯ.

Буян Ооржактың тырттырган чуруктары.


«Шын» №35 2024 чылдың май 15