Кызыл хоорайның чурттакчы чонну ажылга хаара тудар төптүң директору Амур Увангур Бии-Хем кожууннуң Аржаан сумузунда ном саңының удуртукчузу Уран Монгушка Тыва Республиканың алдарлыг артизи Аяс Данзырыңның чогаадыкчы ажыл-амыдыралынга тураскааткан «Чүрээм үнү, чүрээм согуу чүгле сенде...» деп холунуң үжүүн салган номну дамчыткан.
Амур Увангурга удурткан ажылчын бөлүктүң беш чыл иштинде ажылдаанының түңнелинде алдарлыг артист дугайында ном чырыкче парлаттынып үнген. Номда ховар үннүг ыраажы, чоннуӊ ынак оглу – Аяс Данзырынныӊ дугайында эш-өөрүнүн, башкыларыныӊ, сураглыг ыраажыларныӊ база чоок кижилериниӊ хууда сактыышкыннарын чыып тургускан.
Ном саңының фондузунда 14350 ном бар, номчукчуларның саны – 450.
Аржаанчылар аалчызынга ном саңынга үнелиг ном тывысканы дээш өөрүп четтиргенин илереткен.
Аржаанның ном саңынга үнелиг белекти дамчыткан
29 октября 2022
42