Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

“Автопоезд” акциязы уламчылап турар

28 декабря 2023
21

Декабрь 25-тиң хүнүнде Тываның улусчу фронтузу тускай шериг операциязында киржип турар чаңгыс чер чурттугларывысче республиканың аңгы-аңгы кожууннарында сагыш човангыр чоннуң чыгганы берге оруктарга торулбас “УАЗ”, “ГАЗ”, “Нива” маркалыг автомобильдерин чоруткан.

Найысылал Кызылдан ниитизи-биле 9 автомобильди демир-орукка чедир машиналарның ээлери мунуп чедирер. 10 дугаар автомобиль Абаканда манап турар. Ээлчеглиг дуза январь айның ортузунда шериглерге чеде бээр дээрзин Галина Сюрюн дыңнаткан: “Бо машиналарны демир- орук дузазы-биле чорудуптарга, январь 15 үезинде дайынчыларывыска чеде бээр. Ачы-дуза чедирип турар чонувуска, ТР-ниң Чазааның автобаазазынга, ОБЯ эргелелиниң ажылдакчыларынга болгаш удуртукчуларынга эккелген машиналарны септеп-селип бергени дээш, Тере-Хөл кожууннуң чонунга элээн хөй түңнүг акшаны дузалааны дээш улуу-биле четтирдивис”.

Оон аңгыда, декабрь 19-та республиканың хөй-хөй улуг-биче артистери ачы-дуза чедирери-биле концерти эрттиргенин ол демдеглээн. Оон база элээн хөй түңнүг акша база чыгдынган. Каң-Болат Сат, Орлан Монгуш, Артыш Сагаан олар база мөөң-мөөң акшалар-биле дузалажып турар дээрзин ол чугаалаан. Улусчу фронтунуң төлээзи Галина Сюрюн коллегаларынга, чаңгыс чер чурттугларынга четтиргенин илереткен.
Сукпактың аграрлыг лицейиниң директору Резеда Түлүш дайынчы чээни-биле кады саткан “Нива” маркалыг автомобильди чорудуп турар. “Чээним бичии када дыштанып келгеш, берге оруктарга торулбас машина ТШО девискээринге кончуг херек дээрзин чугаалаан. Лицейниң таңныылы, ИХЯ хоочуну Маадыр Амырбиттиң “Нивазын” чугаалашкаш, садып алган бис. Хөй чылдар иштинде автомобиль башкарып чоруур арга-дуржулгалыг билиривис чолаачы боорга, ооң машиназының эдилели эки дээрзин билгеш, чарлалдардан дилеп-даа турбайн, дорт-ла алганывыс ол” – деп, Резеда Түлүш чугаалаан.

Ол бодунуң чээнинге болгаш ында киржип турар чаңгыс чер чурттугларынга тиилелгелиг чанып келирин күзээн: “Бистиң шериглеривиске чер-чуртунче тиилелгелиг чанып келирин күзеп, четтикпейн манап тур бис. Оларның эрес-дидими, быжыг тура-соруктуу-биле тиилелге бистии болур”.

Дайынчы хөделиишкиннер девискээринче машиналарны куруг эвес чорудуп турарын Саима Далчин чугаалаан: “Бистиң дайынчыларывыс машинаны көзүлбес кылдыр шып алыр четкилер херек дээрзин билгеш, машина бүрүзүнде суп каан бис. Ол четкилерни “Тываның улусчу полугунуң” даалгазы-биле кожууннарда волонтёрлар белеткеп турар. Четкилерден аңгыда, оңгулар иштинге чырыдар херекселдерни, чылыг идик-хепти база суп каан”.

ТШО эгезинден тура “Автопоезд” акциязы-биле Тывадан ниитизи-биле 60 ажыг автомобильди чоруткан. Тываның сагыш човангыр чону дайынчы чаңгыс чер чурттугларынга амдыгаа чедир бүгү талалыг дузаны чедирип турары өөрүнчүг.

Чыжыргана СААЯ.

Буян ООРЖАКТЫҢ тырттырган чуруктары


“Шын” №99 2023 чылдың декабрь 27