Май 30
12.00 шакта Кызыл хоорайныӊ Чалыы көрүкчүлер театрынга «Муха-Цокотуха» деп театржыткан көргүзүг болур.
Май 31
Тываныӊ Национал парыгыныӊ төп шөлчүгежи
10.00 шакта «Тыва оюннар» деп уругларга оюн-тоглаалыг программа. Тыва улустуӊ оюннары «Тевекке», «Кажыкка», «Аът шалбадаарынга» мастер-класстар.
11.00 шакта кадыы кызыгаарлыг уругларга «Хөглүг старттар» деп маргылдаа.
11.00 шакта «Ынак маадырларывыс-биле кады чайлаалы!» деп оюн фестиваль.
Тоол маадырлары-биле кады эрттирер программа. Амгы чаа үениӊ «Херек кырында боттуг немелде» 3D, 4D модельдиг номнарныӊ, чугааланыр номнарныӊ делгелгези, таныштырылгазы, викториналар, угаан-боданыышкын сайзырадыр оюннар.
12.00 шакта 5-7 харлыг уругларга аниматорлар-биле «Шум биле Гам», «Чайынналчак чаш үе» деп оюн-мөөрей программазы.
13.00 шакта «Аржаан продакшн» студия биле Кызылдыӊ уран чүүл колледжиниӊ студентилериниӊ концерти.
14.00 шакта «Коляскалар чыскаалы» – бичии уругларныӊ каастап-шиметтинген коляскаларыныӊ байырлыг чыскаалы. Аӊгы-аӊгы номинация аайы-биле деткиир бөлүктерниӊ киржилгези-биле эртер.
15.00 шакта 5-7 харлыг уруглар аразынга асфальтыга чурук мөөрейи болур.
15.30 шакта 5-7 харлыг уруглар аразынга шүлүк мөөрейи болур.
Июнь 1
Кызыл хоорайныӊ Аныяктар өргээзи
10.00 шакта Делегейниӊ уруглар камгалалының хүнүнге тураскааткан хемчеглерниӊ байырлыг ажыдыышкыны. Республиканыӊ чогаадыкчы мөөрейлериниӊ тиилекчилериниӊ концерти.
10.30 шакта Республиканыӊ «Прорыв» деп робот техниказының мөөрейи. Одуруг аайы-биле чарыш, сумо, кегель-ринг деп үш хевирге маргылдаа.
10.30 шакта «Элезинниг анимация» деп мастер-класс. Тыва улустуӊ тоолдарыныӊ онза чурумалдарын элезин-биле чурууру.
10.30 шакта «Кажык», «Тевек», «Шыдыраа» болгаш өске-даа тыва улустуң оюннарынга өөредир.
10.30 шакта Арт-шөлчүгеш: чураан болгаш тырттырган чуруктар мөөрейи.
10.30 шакта «Чээрби бирниӊ баштайгызы» деп республика чергелиг өөредилге-хөглээшкинниг оюннар.
12.00 шакта лицейлерниӊ өөреникчилериниң физика, химия болгаш биологияныӊ эртем шенелделерин бараалгадып көргүзер шөлчүгежи.
Тываныӊ Национал музейи, Аныяктар өргээзи, музей даштында шөлчүгеш
12.00 шакта «Чашкы үем хүлүмзүрүү» деп оюн-тоглаалыг хемчег. Аңаа уруглар команда тургузуп алгаш киржир.
Тываныӊ Национал музейиниӊ конференция залы
14.00 шакта «Чоннар – көвей, чурт – чаӊгыс» деп культура-өөредилгелиг хемчег. Россияда чурттап турар чоннарныӊ чаагай ёзу-чаӊчылдарыныӊ дугайында лекция.
Тываныӊ күрүне филармониязы
14.00 шакта «Хуулгаазын пульт» деп хөгжүмнүг тоол. Төрүттүнген хүнүнде белек дээш могаттынып, өөнден дезип чоруй барган дииспейниӊ төөгүзү.
Дисней мултьфильмнериниӊ ырларыныӊ дириг күүселдези, светодиодтуг шоу, саваӊ көвүү-биле шоу көргүзер.
Улусчу чогаадылга бажыӊы
16.00 шакта «Хамнаарак-2023» деп республиканыӊ аныяк ыраажыларыныӊ мөөрейиниң түӊнели.
Өг-бүле парыгы
11.00 шакта «Чашкы үениӊ челээжи» оюн-хөглээшкинниг программа. Маша биле Адыг деп уругларныӊ ынак маадырлары-биле кады мөөрейлерни, оюннарны эрттирер.
Аныяктар сесерлии
11.00 шакта «Чаштар делегейи» деп шөлчүгешке «Өртемчейни уругларга сөӊнеп тур бис» деп байырлал концерти, викториналар, мөөрейлер, арын-шырайга чурук чурудар аква-грим, чеп эжер, чаш каасталгазы кылыр, чинчи өрүүрү, белекке бээр саваӊнар, национал суй белектер, хол-биле шеверлеп кылган ойнаарактар, элезинниг анимация, чиик пластилинден магнитка кылырыныӊ мастер-класстары болур.
Асфальтыга чурук мөөрейи, дойдан ус-шевер ажылдар кылырын өөредир мастер-класс, аниматорларныӊ көргүзүү, өрт техниказыныӊ делгелгези, ДОСААФ-тыӊ чедиишкиннериниӊ делгелгези, «Юнармияныӊ» болгаш кинологтарныӊ мастер-класстары.
«Календарьда уруглар хүнү» деп ачы-буянныг акция, уругларга ойнаарактарны халас бээр.
Аныяктар сесерлиинде спорт шөлү
11.00 шакта «Street Workout» деп кудумчу спортунуӊ хевирлеринге маргылдаа. Кадык-чаагай амыдыралды болгаш кудумчу спортунуӊ хевирлерин сурагжыдары.
12.00 шакта скейтборд талазы-биле мастер-класс.
«Хүреш» стадиону
Республиканыӊ тыва национал хүреш фестивалы. Назы-хар аайы-биле алды аӊгы бөлүктерге 2005-2017 чылда төрүттүнген мөгелер киржир.
Арат шөлү, Аныяктар сесерлии
Ушу – дайынчы уран чүүлге мастер-класс көргүзер.
Арбат
11.00 шакта «Тоолдарныӊ хуулгаазыны» деп шөлчүгешке концерт, мөөрейлер, викториналар, кырган-авалары биле уйнуктарыныӊ чараш хеп-сын көрүлдези (дефиле), аниматорларныӊ көргүзүү, дойдан ус-шевер ажылдар кылырын өөредир мастер-класс, ушу – дайынчы уран чүүлдүӊ көргүзүү, ГТО нормаларын дужаары.
Солагай эриктиӊ дачалары (5 дугаар доктаам)
11.00 шакта «Чашкы үе дээрге мен биле сен» деп оюн-көргүзүглүг концерт программазы.
Вавилин ээтпээ (4 дугаар доктаам)
12.00 шакта «Өӊгүр чараш делегей» деп программа — уругларга викториналар, мөөрейлер, оюннар, концерт.
Тываныӊ кадеттер корпузу
09.00 шакта «Профиград» мергежилдер-биле таныштырар экскурсия, Тываныӊ информастыг технологиялар техникумунуӊ, Республиканыӊ эмчи колледжиниӊ, Тываныӊ Көдээ ажыл-агый техникумунуӊ мастер-класстары. Школачылар келир үениӊ хоорайын онлайн хевирге чогаадып тургузар.
10.00 шакта уруглар азырап алыр өг-бүлелерниӊ шөлчүгежи. Опекуннар школазыныӊ шөлчүгежи – опекуннарга, уруглар азырап алган өг-бүлелерге психологтуӊ ачы-дузазын чедирери.
11.00 шакта «Лидер» деп элээдилер төвүнүӊ шөлчүгежи – уругларга психологтуг оюннар болгаш тренингилерни организастаары.
11.00 шакта «Аныяк экологтуӊ кокпазы» мини-полоска. Чадаг туризм техниказыныӊ аргалары (рюкзак иштин чыыры, турлаг белеткээри, черниӊ уг-шиин тывары, хендир дузазы-биле кежиг эртери, баг доӊнарын шарып өөредири).
14.00 шакта кулинария – аъш-чем кылырыныӊ талазы-биле Тываныӊ политехниктиг техникумунуӊ, Кызылдыӊ экономика болгаш эрге-хоойлу техникумунуӊ мастер-класстары.
16.00 шакта «Прорыв» робот техниказының талазы-биле чарыш, сумо, кегель-ринг деп үш хевирге маргылдааныӊ үлегерлиг көргүзүглери.
16.00 шакта «Для и ради» деп өөредилге-хөглээшкинниг квест-оюн.
Июнь 3
Тываныӊ күрүне филармониязы
14.00 шакта «Хуулгаазын пульт» деп хөгжүмнүг тоол. Төрүттүнген хүнүнде белек дээш могаттынып, өөнден дезип чоруй барган дииспейниӊ төөгүзү.
Дисней мултьфильмнериниӊ ырларыныӊ дириг күүселдези, светодиодтуг шоу, саваӊ көвүү-биле шоу көргүзер.
Р. ДЕМЧИК очулдурган.
Буян ООРЖАКТЫҢ тырттырган чуруу.