Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Бүгү күштү мөөңнээр

11 апреля 2024
12

СУГ ҮЕРИНГЕ УДУР БЕЛЕТКЕЛ
Тыва Республиканың Чазааның апрель 8-те Аппарат хуралынга суг үеринге белеткел ажылдарының дугайында база чугаалашкан.

“Апрель айда Тывага агаарның чылыыры 2 градус бедиир, ынчангаш хар дүрген эриир. Суг үеринге хемчеглерни баш бурунгаар ап чорудар, үерни озал-ондак чок эрттирер, хемнерге доштуң тырлыр чоруун болдурбас сорулга-биле Россияның Тыва Республика талазы-биле эргелели хемнерниң байдалын шинчилеп турар дээрзин Тываның Баштыңы Владислав Ховалыг дыңнаткан.

Суг үериниң кээрин чурттакчы чонга өй-шаанда дыңнадыр, озал-ондакты шалыпкын чайладыры-биле бүгү күштү болгаш дериг-херекселди бүрүн белеткээрин республикада хамааты камгалал болгаш онза байдалдар албан черлеринге Тываның Баштыңы дааскан.
Үер суун дозуп аксыр талазы-биле инженер ажылдарны чорударының чурумун бо неделяның төнчүзүнге чедир ажылдап кылырын, үер суунга удур чалдарны быжыглаарынга болгаш сугну чурттакчылыг черлерден чайладыр аксырынга херек даштыг элезинни четчири-биле курлавырлаар даалганы муниципалитеттерниң удуртукчуларынга берген.

Тываның девискээринге суг үерин хөй чылдарда шинчилээни ол үш чадалыг дээрзин илереткен.

Бирги чада – март, апрель айларда тайга-даглар эдээнде хар ээрээш, ооң суу чавыс девискээрлерде чурттакчылыг черлерни болгаш оруктарны хөме алыры. Чижээлээрге, Кызыл кожууннуң төвү Каа-Хем суурнуң чөөн чүгүнде Хербис дагның барыын талазы, Кызыл хоорайның оң талакы микрорайоннуң чөөн талазында даглар баарында Азас дээш өске-даа кудумчулар.

Ийиги чада – часкы үер (май, июнь айларда). Тайгалар кырында харның эриири болгаш чер адааның сугларының көдүрлүрү. Саян сынның барыын болгаш чөөн талазында тайгалардан баткан хемнерниң уннарында 6 кожуунда чурттакчылыг черлер часкы үер суунга алзып болур. Чижээлээрге, Тожуда Сыстыг-Хем суур, Улуг-Хем унунда Оттук-Даш арбан, Ийи-Тал суур, Элегес хем унунда Элегес суур.

Үшкү чада – чайгы үер (июль-август). Тайгаларга суггур чаъстар чагганындан тыптып болур. Улуг-Хем, Алаш, Хемчик дээш өске-даа хемнер уннарында чурттакчылыг черлерни хөме ап болур. Чижээлээрге, Кара-Хөл, Суг-Аксы, Кара-Чыраа дээш оон-даа өске.

2023–2024 чылдарның кыжынында чагган харның кылыны ооң мурнунда кыштарда чагганындан 130–330 хуу бедик дээрзин хемчээл шинчилелдер көргүскен. Тайгалар кырында болгаш оларның арга чарыының талазында кылын хар ам-даа эривээн. Апрель–май айларда часкы үер мурнуку чылдардан-даа озал-ондактыг боор дээрзиниң айыылы бар.

Ш. ЛОПСАН белеткээн.
Чурукту интернет четкизинден алган.

«Шын» №27 2024 чылдың апрель 10