Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Бүзүрээчели бе, кончаазыраа бе...

22 августа 2023
2

Хамаатыларның айыыл чок чоруунга оларның социал, саң-хөө дээш амыдырал-чуртталганың аңгы-аңгы талаларынга айыыл чогу база хамааржыр. Эң ылаңгыя кижилерниң саң-хөө талазы-биле айыыл чок боору оларның боттарындан кончуг хамааржыр дээрзин акша-төгерикке мегелеттирген чоруктар бадыткаан.


Телефон дамчыштыр хамаатыларның акша-төгериин мегелеп алыр чоруктар сөөлгү үеде дыка көвүдээнин иштики херектер органнарының ажылдакчылары демдеглеп турар.

Бо чылдың июль айның төнчүзүнде Шагаан-Арыг хоорайның чурттакчызы 63 харлыг херээжен кижиже «Газпром инвестхолдинг» компанияның юризи мен дээр кижи телефоннап келген. Бо компанияның акцияларынга акша-төгерикти киирип тургаш, акша ажылдап алырын ол юрист сүмелээн. Кайы-бир компанияның акцияларын садып ап, акша-төгерик алыры амгы үеде элээн нептереңгей апарган. Телефонда юристиң оптуг-чиптиг тайылбырынга, сүмелеринге ол херээжен кижи алзып, компанияга бодунуң агар санын ажыдары-биле 22 муң рубль акшаны телефон дамчыштыр шилчиткен. Чүге дээрге «Газпром инвестхолдинг» компания ат-сураа алгыг организация-ла болгай. Ооң ачызы-биле, бажыңынга олура-ла, чүге акша ажылдап ап болбас деп! Ооң соонда ол компанияның “төлээзи” аңгы-аңгы агар саннарның дугаарларын Шагаан-Арыгның чурттакчызынга айтып берип, дыка улуг эвес түңнүг акшаны шилчидерин саналдаарга, ынаар база акша-төгериин шилчидип-ле турган.

“Улуг аякка кударга, улам чазыйланыр” деп үлегер домактың бир янзы утказын оптуг-кажар кижилер дыка эки ажыглап билир. Хары угда улуг хемчээлдиг акшаны «Газпром инвестхолдинг» компанияның агар санынче шилчидерге, хөй орулганы ажылдап болурун саналдаарга, Шагаан-Арыгның чурттакчызы эш-өөрүнден, дөргүл-төрелдеринден чегдинип тургаш, эвээш эвес түңнүг акшаны шилчидип чоруткан. «Газпром инвестхолдингиниң» агар санынче шилчиткен акшазының ниити түңү 2,5 миллион рубль чеде бээрге, херээжен кижи акциялардан орулгазын алыр күзелин илередирге, ол дээш база акша чорударын “компания” негей бээрге, 63 харлыг кижиниң “караа ам-на ажыттына берген”. Телефонда компанияга мегелеткенин билип кааш, иштики херектер органнарынга «Газпром инвестхолдинг» дугайында болгаш бодунуң мегелеттирип алганын дыңнаткан.

Ёзулуг «Газпром инвест» кызыгаарлаан харыысалгалыг ниитилел хууда кижилерниң акша-хөреңгизин бодунуң ажыл-чорудулгазынга ажыглавайн турар. Ону бадыткаан документилер, медээлер меге боор.
Бистиң чаңгыс чер чуртуувус чүге мегелеткенил? Назы-хары улуг херээжен кижиниң бүзүрээчели бе азы кончаазыраа бе?

ТР-ниң ИХЯ-ның медээлеринден.


"Шын" №61, 2023 чылдың август 19