«Хөгжүмнүг байыр» теледамчыдылгазын колдуунда улуг назылыглар, хоочуннар көрүп турар бис. Чүге дизе ол дамчыдылга аныяктар ажылдап чоруй баар шактарда болуп турар. Ынчангаш көрүкчүлериңер, дыңнакчыларыңар бис-ле болгай бис – кырганнар.
Бис бир-ле чаа чүүлдерни манап турар бис. Аныяк-өскенниң талантызы, хөөредир чүве болза, эриин ажып төктүп чыдар деп болур. Байыр чедириишкини чагыдып турда, кижиниң күзээн ырызын азы сонуургаан ыраажызын айтырарга, чок болур. Кижи бодаарга, чагыдыкчыларның ырыларын күүседип бээр бичии студия-даа тургу дег. Ол-ла ырыларны чеже чыл дыңнаар улус бис. Тыва улус багын чугаалаарга, бачыды арлыр дээр болгай, ажыл-ижиңерге чаа үе-биле өскерлирин база чедиишкиннерни күзедим.
/ Д. МОНГУШ, күш-ажылдың хоочуну.
“Шын” №14 2026 чылдың апрель 16