Хүндүлүг чаңгыс чер чурттугларым!
Частың болгаш Күш-ажылдың байырлалы-биле ТР-ниң Дээди Хуралының депутаттары сеткиливис ханызындан силер бүгүдеге байыр чедирип тур бис!
Майның бири – күш-ажылдың болгаш аас-кежикче чүткүлдүң демдээниң хүнү болур. Ол часкы чырыкка херелденген болгаш чылыгга өпейлеткен байырлал-дыр. Бо онзагай хүн бодунуң күш-ажылы-биле даартагы хүнү, төрээн республикавыстың келир үези дээш хүн бүрүде ажылдап чоруур улузувуска өөрүп четтиргенивис илередир хүнүвүс болур.
Тываның чону күш-ажылга хүндүткелдиг хамаарылгалыг. Республикада бодунуң ажыл-херээниң ёзулуг мастерлери ажылдап, чурттап чоруур. Төрээн черивис экономиктиг күчү-күжүн чылдан чылче тургузуп ажылдап чораан хоочуннарывыска улуг өөрүп четтириишкинивисти бөгүн илередиили. Деткимчениң сөстерин аныяк-өскенивиске база чугаалаалы – чүге дизе, олар келир үениң тургузукчулары, чаа-чаа бедик чедиишкиннерниң үндезиннери болурлар.
Бо байырлыг хүнде Тываның бүгү чурттакчыларынга аас-кежикти, амыдыралыңарны бараалгаткан ажыл-ижиңерге чедиишкиннерни күзеп тур бис. Частың чылыг сырыны чурттуң болгаш республиканың менди-чаагай келир үезиниң демдээ болзун, ол силерниң хей-аъдыңарны көдүрзүн, эчис-сорулгаларыңарны боттандырарынга күчү-күштү сөңнезин!
Хүндүткел-биле,
ТР-ниң Дээди Хуралының (парламентизиниң) Даргазы Каң-оол Даваа.
«Шын» №16 2025 чылдың май 1