Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Барыын кожууннарның багжылары маргылдаалаан

21 марта 2024
13

Март 16-да Мөңгүн-Тайга кожууннуң Тоолайлыгга эр кижиниң 3 адаан оюнунуң бирээзи – уранхай ча, баг адар хевиринге барыын кожууннарның ээлчеглиг маргылдаазы болуп эрткен. Бо маргылдаа ийи дугаар чыл эртип турар.

Маргылдааны Мөңгүн-Тайганың багжылары демнежип алгаш, акша-төгерикти чыггаш, бедик деңнелге эрттирген. Ол ышкаш Тоолайлыгның чагырга даргазы Аңчы-Буян Донгак, малчын Лама Шолбан-оол маргылдааның бирги чериниң шаңналдарын хүлээнип алгаш, деткикчилээн. Суурнуң чагыргазы, ажылдакчылары, чурттакчылары ырак-чооктан чыглып келген маргылдаа киржикчилерин аъшкарып-чемгерип, чылыг-чымчак хүлээп алган. Маргылдааның киржикчилери Тывада кончуг дүрген сайзырап турар чараш оюн — баг адарының дугайында школага четкеш, өөреникчилер-биле ужуражылганы кылып, мастер-классты көргүскен.

Ниитизи-биле маргылдаага Улуг-Хемден барыын талазынче кожууннардан шупту 27 багжы киришкен. Түңнелинде, 1-ден 8-ке чедир шаңналдыг черлерни дараазында багжылар алган:

1-ги черни – Алдын-оол Доктугу (Чаа-Хөл кожуун),
2-ги черни – Буян-Цо Сат (Чөөн-Хемчик кожуун),
3-кү черни – Чадаң-Кат Ооржак (Барыын-Хемчик кожуун),
4-кү черни – Чимис Иргит (Барыын-Хемчик),
5-ки черни – Мерген Хомушку (Бай-Тайга кожуун),
6-гы черни – Сайын Күжүгет (Барыын-Хемчик кожуун),
7-ги черни – Танзат Самдан (Чаа-Хөл кожуун),
8-ки черни – Руслан Делгер-оол (Мөңгүн-Тайга кожуун) ээлээн.

Бо маргылдааны эгелеп чогааткан кол кижи – Барыын-Хемчиктен багжы Шекпээрниң школа директору Анзор Куулар болуп турар. Маргылдааның түңнелинде шыырак багжылар бо кожууннардан үнүп, Наадым болгаш өске-даа улуг, бичии маргылдааларга үргүлчү шаңналдыг черлерни ап, кожавыс Моолга безин спорт мастери, спорт мастериниң кандидаттары аттарны алгылаан болуп турар.

К. МОНГУШ.
Чурукту интернеттен алган.

“Шын” №21 2024 чылдың март 20