«Башкы» сеткүүлү - республиканыӊ Өөредилге яамызы-биле кожуун-сумуларныӊ ортумак школаларыныӊ, уруглар садтарыныӊ башкыларыныӊ ажылыныӊ кол харыылзаачызы.
2022 чылда ооӊ үндүрүлгезиниӊ көзүлбейн турарыныӊ дугайында солуннуӊ редакциязындан номчукчулар кээп айтырып турганнар.
Республиканыӊ Информатизация болгаш харылзаа яамызынга хамааржып турган сеткүүлдү Өөредилге яамызынче дамчыдарыныӊ дугайында айтырыгны «Башкы» сеткүүлүнүӊ кол редактору Сайлыкмаа Салчаковна Комбу, филология эртемнериниӊ кандидады, каш чылдар дургузунда көдүрүп келген турган. Яамыларныӊ удуртулгазыныӊ удаа-дараа солчуп келгенинден ол айтырыг шиитпирлеттинмейн турган.
Тыва Республиканыӊ Чазаа 2022 чылдыӊ март 17-де ол айтырыгны чогумчалыы-биле шиитпирлээш, «Башкы» сеткүүлүнүӊ редакциязыныӊ бүрүн эргелиг хүлээлгелерин болгаш 5 кижи составтыг штадын дамчыдып бээриниӊ дугайында» 113 дугаарлыг доктаалды үндүрген.
Амгы үеде ооӊ редакциязы «ТываМедабөлүк» парлалга бажыӊында эвес, а Национал школа хөгжүдер институттуӊ баазазында ажылдап турар.
«Башкы» сеткүүлү Өөредилгениӊ федералдыг күрүне стандарттарыныӊ (ФГОС) национал-регионалдыг компонентилериниӊ айтырыгларын шиитпирлээринге чугула черни ээлээр дээрзин методистер болгаш башкылар айтып турар.
Р. Демчик
