Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Бичии уруглардан үлегерлээр чүүлдер

17 сентября 2023
33

Улуг улус бичии уругларны кижизидер ужурлуг деп бодаар бис. Ынчалза-даа чаштарны кичээнгейлиг хайгаарап көрүңер даан, олардан өөренип ап болгу дег чүүлдер хөй-дүр ийин.

Олар …

✿ Даң бажында оттуп келгеш, кежээ удуурунга чедир, кезээде шимчээшкинде. Артык мага-бодунга деңзи чыгбас, бирээни дооскаш, улаштыр бир-ле солун чүүлдү тып алыр. Шалага олурар арга бар болза, олар сандайга олурбас, маңнаар, шураар шөл бар болза, олар кажанда-даа кылаштавас. Шимченгир болуңар, чаңгыс черге олурбаңар!

✿ Чаштар кажан-даа өй-хемчээл чокка шартайтыр чемненмес. Тавакта кайы хире чем артканын херекке албас, бодунуң хырны тоткан болза, ол-ла туруп чоруй баарлар. Бичии уруглар дег, мага-бодун дыңнап өөренип алыры улуг кижиге чугула.

✿Чаштар бодунуң мага-бодундан ыятпас. Олар чанагаш маңнаарынга дыка ынак. Дыка хөй улуг улус бодунуң мага-бодунуң бир-ле чүүлүнге таарзынмас, хөңнү чок болур. Чаштар дег мага-бодуңарга ынак болуңар.

✿ Бичии уруглар ээлгир хаак азы пластилин дег, канчаар-даа эглир. Сула шимчээшкиннер кылбастаанывыстан ээлгир эвес апарган бис. Ынчангаш сула шимчээшкиннерден кылып, спорт-биле өңнүктежири улуг улуска чугула.

✿ Чаштар ажыт-чажыт чок. Чүрээниң ханызындан өөрүүр, сагыш-сеткилин ажыт-чажыт чок ажыдар. Өөрээнде – каттырар, хомудаанда – ыглаар. Бодуңарга ол бүгүнү хамаарыштырып болур силер бе?

✿ Бичии уруглар хензиг чүүлге өөрүүр. Чаштарга өртээ аар ойнаарак-биле ойнаары эвес, а сеткилинге кирери ойнаарак-биле ойнаары чугула. А улуг улусту өөртүрү берге.

✿ Олар хензиг чүүлден хомудай бээр, ынчалза-даа үр болбаанда, хомудалын уттупкаш, улаштыр чүү-даа болбаан чүве дег ойнай бээр. Улуг улус хомудалын утпас, чыл чылы-биле шыгжап алгаш чоруур.

✿ Олар дыштанып билир. Чаштар чемненип олургаш азы идик-хевин уштуп тура, ол-ла черинге удуй бээр. Кажан шылай бээрин олар дыка билир. А улуглар мага-бодунуң турупканын билбес. Дыштанырын уттуп алыр.

✿ Чүнү-даа ол санында чаа чүүл кылдыр сонуургап көөрлер. Чаштарга хүн бүрүзү – чаа хүн. Улугларның эскербези хензиг болуушкуннарны олар эскерип каар. Делегейже көрүжүвүс чаш уругларныы дег болур болза, күжүвүс эглип келир. Бо бүгү дээрге чогаадыкчы кижиниң овур-хевири-дир.

Чаштар дег болурун күзедим!

"Шын" №70 2023 чылдың сентябрь 16