Бии-Хемниң Өөк ортумак школазының доозукчузу, ТШО-нуң киржикчизи чорааш, маадырлыы-биле бажын салган Бурундай Иргиттиң чырык адын мөңгежиткен“Маадырның партазын” ооң өөренип чораан школазынга салган хемчег болуп эрткен.
Маадырлыы-биле мөчээн соонда, Өөктүң ховар оглу Бурундай Иргитке Эрес-дидим чорук дээш медальды тывыскан.
Маадырга тураскааткан хүндүлел ёзулалынга ооң дөргүл-төрелдери, чоок кижилери, школаның өөреникчилери болгаш башкылары, кожуун, сумунуң удуртукчулары киришкен.
Бии-Хем кожуун чагырыкчызының хүлээлгезин күүседип турар Владимир Байыр-оолдуң мурнундан ооң оралакчызы Орлан Байкара сөс ап, чыылганнарга чаңгыс чер чуртуунуң маадырлыг чоруун улуг хүндүткел-биле хүлээп, өзүп олурар салгалга Төрээн чуртунга шынчы бердинген болурун, Россия дээш коргуш чок эр хүлээлгезин шынчы күүсеткени үлегер болур деп чугаалаан. Ол ышкаш шак ындыг Маадырларны амгы салгал кажан –даа утпас ужурлуг дээрзин демдеглээн. Оон агыда, эки херектерни кылып чорааш, ниитилелдиң мурнунга төлептиг кижилер кылдыр өзүп кээрин өөреникчилерге чагаан.
“Маадырның партазы” – өөреникчи кижиниң столу. Ооң кырында Маадырның чуруун, допчу намдарын болгаш кылган маадырлыг чоруунуң дугайында тодаргай бижип каан болурун сагындыраал.
Бии-Хем кожууннуң медээлери-биле
Чуруктарны интернеттен алган
#Шынсолун#тувамедиагрупп #Тува #Тыва #Tuva #TMG #TMGNEWS #Tuvanews
