Амгы үеде Тере-Хөл кожуунда “Социал ыяш” губернатор төлевилели-биле бештен хөй ажы-төлдүг 9 өг-бүле билдириишкинни киирген. Өг-бүле бүрүзүнге 7 куб одаар ыяшты ноябрь төнчүзүнге чедир дүжүрүп бээр дээн. Ол ышкаш долу эвес мобилизацияже келдириишкин-биле чоруткан чаңгыс чер-чуртуунуң өг-бүлезинге көрдүнген күрүнеден деткимчени бүрүнү-биле хандырып берген.
Бо чыл дургузунда кожуун девискээринде национал төлевилелдер-биле чаартылгалар хөй болган: чаа уруглар садының тудуу удавас доостурунуң кырында келген, кожууннуң төп эмнелгезиниң капиталдыг септелгезин кылган, Куңгуртугда 6 уруглар ойнаар шөлчүгештерни, Балыктыгда барык ийи сая рубль өртектиг уруглар ойнаар шөлчүгеш болгаш спорт шөлү кирип турар комплекстиг тудугну дооскан, 12 өскүске бажыңнар туттунуп турар... Бо болгаш өске-даа чаартылгалар, чедиишкиннер болгаш чедир кылыр ажылдар дугайында Тере-Хөл кожууннуң чагырыкчызының хүлээлгезин күүседип турар Түмен Ховалыг чугаалап берген.
Допчузу-биле “Шын” солуннуң дараазында үндүрүлгезинде.
