Улуг-Хем кожууннуң Хайыракан суурнуң чурттакчызы, 25 харлыг фермер Кежик Болат-оол 2022 чылда «Сайгарлыкчы чорукту деткиир» национал төлевилелге киришкеш, күрүнеден деткимче алган 14 фермерниң бирээзи. Деткимчеге алган акшазы-биле Кежик 22 баш инекти болгаш 1 эътир породалыг буганы садып алган.
- Бода мал өстүрер дугайында шагда-ла планнап турган мен. Күрүнениң деткимчезиниң ачызында Бии-Хем кожууннуң Туран хоорайдан инектер садып алыр аргалыг болдум. Кышты эки эртип алыр дээш, күзүн 1000 дүрүг сигенни ха-дуңмам-биле белеткеп алган бис.
