Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Чаа чылды чаа оран-савага уткуур дээш…

7 декабря 2023
44

«Сорунза» губернатор төлевилелиниң боттанылгазы-биле республиканың көдээ сумуларында культура одаглары немежип турар. Оларның чамдыызы ажыглалче кирген, а бир чамдыызының тудуу ам-даа уламчылавышаан.

Бо чылын «Сорунза» губернатор төлевилели-биле Өвүр кожууннуң Ак-Чыраа, Сүт-Хөлдүң Кара-Чыраа база Тес-Хемниң Кызыл-Чыраа (Ак-Эрик) үш чаа Культура бажыңын тудары планда көрдүнген турган.
Чыл төнчүзүнге чедир объектилерни дужаар дээш, бригадалар шудургу ажылдаан. Өвүрде база Сүт-Хөлде чаа клубтар доозулган. Тес-Хемниң Ак-Эрикте тудугну июль ортан үезинде, орай эгелээн болгаш, амдыызында ажыл уламчылавышаан.

Тес-Хем кожууннуң Ак-Эрик сумузунуң культура одаа 1956 чылда-ла туттунган. 2006 чылда культура одаан ТР-ниң алдарлыг артизи, хөөмейжи Аяс Данзырынның чырык адынга тураскаадып адаан.
Аяс Данзырын аттыг культура одааның директору Алдынай Булак:

– Тудугнуң материалын долузу-биле эккеп дүжүрген, четчир. Амгы үеде дээвиирин чылыглап турары ол. Бо хүнде тудугда 10 кижи ажылдап турар. Одалга системазын кииргеш, котёлду база салып белеткээн. Чылыглаашкын ажылдары доостурга, одаары арткан.

Туттунгандан бээр 67 чыл болган эрги тудуг-дур. Ынчангаш бо чылын капиталдыг септелге кылыр дээш, ТР-ниң Культура яамызынче дилег киирген турган бис. Тыва Чазаавыстың, ТР-ниң Культура яамызының база тус черниң чагырга чериниң ачызында «Сорунза» губернатор төлевилелинче кирер аас-кежиктиг болдувус. Ол дээш ак-эрикчилерниң өмүнээзинден четтиргенивисти илередир-дир бис.

Культура одаанда ниитизи-биле 7 кижи ажылда хаара туттунган. Янзы-бүрү 17 бөлгүмнү сумунуң улуг-биче чонунга организастап турар. Чижээлээрге, «Агарның агайлары», «Хозяюшка», «Фитнес», «Портрет Тес-Хем» деп дөрт бөлүкте улуг назылыглар, «Агар сыны», «Стильная прическа» дээн ышкаш бөлгүмнерже аныяктар барып турар. Бичии уругларга чурулга, танцы-сам, ыры, гитара дээн ышкаш янзы-бүрү бөлгүмнерде ниитизи-биле 130 уруг сонуургал-биле кичээлдеп турар. Чаа чылдың байырлалын чаа оран-сававыска эрттирер дээш, чогуур ажылдарны кылып чорудуп турар бис.

Көдээ черниң культура одааның ном саңында ийи ажылдакчы бар. Ном саңы 10 443 номдан тургустунган. Чылда 574 хире номчукчу үргүлчү кээп, күзээни номну бижидип ап турарын библиотекарь Долаана Дандаа демдегледи. Долаана Дандааның эскерии-биле алырга, бичии уруглар колдуунда өөредилге программазынга хамааржыр номнарны, а улуг улус чаа тыва чогаалдарны номчуп турар.

«Сорунза» губернатор төлевилели 120 олуттуг тудугже 13 сая рубльди аңгылаан. Культура одааның чүгле тудуун эвес, а стол, сандай болгаш көрүкчүлерге чымчак олуттар дээн ышкаш дериг-херекселдери база бүрүнү-биле четчелеттинген.

Айдың ОНДАР.

Буян ООРЖАКТЫҢ тырттырган чуруктары.


«Шын» №93 2023 чылдың декабрь 6