Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Чаа төлевилел

22 декабря 2022
8

Тываның Журналистер эвилели “Журналист мен” деп чаа төлевилелди бо чылдың декабрь айдан эгелеп боттандырып эгелээн.


Ооң кол сорулгазы, тыва журналистиканың хоочуннарының дугайында материалдарны чыып, ТЖЭ-ниң видеоархивин тургузары, журналист мергежилдиң утка-шынарын, ооң ниитилелге салдар-хамаарылгазын бедидери, хоочуннар биле аныяк журналистерниң аразында быжыг харылзааны тургузары болуп турар.

Амгы үеде Тываның Журналистер эвилелинде 164 кижи бактаап турар. Оларның аразында 30 ажыг тыва радио, телевидение, парлалганың хоочуннары кирип турар. Төлевилелдиң эгези болур ажыл, “Тыва 24” телеканалдың студиязынга декабрь 10-да эгелээн. Ынчан ТЖЭ-ниң 1981 чылдан тура кежигүнү, хөйге билдингир журналист, “Тыва” КТРК-ның директорунга, “Тувинская правда” солуннуң кол редакторунга ажылдап турган, амгы үеде ол-ла солунда журналисчи ажылын уламчылавышаан ажылдап турар Роман Всеволодович Тас-оолдан аныяк журналист Айдана Ховалыг видеоинтервьюну бижиткеш, эгелээн.

Хоочуннуң бүгү назынында кылып келген журналисчи ажыл-амыдыралын сонуургап, чугаалажып дооскаш, Айдана бодалдары-биле үлешти: “Роман Всеволодовичини эки танывас болгаш, ооң дугайында интернеттен медээлерни баш бурунгаар чыып, шаам-биле белеткенген мен. Сүрээденчиг болгаш дыка солун болду. Чугаалажып олура, бо хоочуннуң ажылдап турган үезинде ажылдаан болзумза деп бодап олурдум. Дыка хөйнү билип алдым. Интервью доосту бээрге, сактырымга, бир улуг шылгалда дужааган ышкаш сагындырды. Хоочун журналист мээң ынча дээнимни дыңнааш, “Эки ажылдадың. Шылгалда кылдыр хүлээр болза, “дөрт” кадар, “беш” казыырны салып болур-дур" деп баштактанырга, ам кээп оожургадым” – деп, шынап-ла, эң берге шылгалда дужаап алган кижи ышкаш, өөрүп турду.

Шак мындыг интервьюлар мурнувуста хөй. Чаңгыс башкарыкчылыг теледамчыдылга эвес болганда, чаңгыстап аныяктар хоочуннарны шилип алыр ийикпе азы хоочуннар боттары кым-биле чугаалажырын шилип алыр – чоорту көстү бээр. Бижиткен видеоматериалдарны авторларның чөпшээрели-биле ТЖЭ-ниң "Вконтакте" социал четкиде арнынга салгылаар.

Бо улуг төлевилелдиң боттанылгазы чаңгыс чылга көрдүнмээн, чүге дээрге эвилелчилерниң шуптузунуң дугайында видеоматериалдарны белеткээр болганда, ол каш чыл уламчылаар дээрзи билдингир.

Эвилелдиң демниг ажылының бо чүгле эгези. Үнүп кээр чылда аныяк журналистерниң кол ажылындан аңгыда, Эвилелдиң хөй-ниитижи, бо таварылгада чаа төлевилелге киржилгези идепкейлиг болуру күзенчиг. Чүге дээрге архив дээн соонда, эвилелдиң кежигүннериниң дугайында материалдарны чыып белеткээринге шупту киржир болза, түңнелдиг болур.

Карина МОНГУШ.

false
false