Май байырлалдарының мурнунда найысылал Кызылга чайгы спортчу сезоннуң ажыдыышкынынга тураскааткан чиик атлетика маргылдаазы болуп эрткен. Аңаа республиканың спортчулары бөлүк аайы-биле киришкен: школачылар, студентилер болгаш улуг улус.
Совет Тываның 5 чыл аттыг стадионунга студентилер болгаш улуг улус 5 болгаш 10 километрге, а школачылар 60, 100, 200, 800 метр хемчээлдерге чарышкан.
Кикбоксингиге Тываның чыынды командазының спортсмени Эрес Болат-оол база чиик атлетика маргылдаазынга киржип, бо спорттуң хевири кандыг-даа спорчу кижиниң белеткелиниң бир кезии болурун демдеглээн. Ол өзүп олурар салгалдарга үлегер-чижек болур дээш, чиик атлетика маргылдааларының ажыдыышуынынга-даа, хаалдазынга-даа чылдың-на киржип турар.
Маргылдаага ниитизи-биле 300 ажыг спортчу киришкен. Тиилекчилерни грамоталар, медальдар база өртектиг белектер-биле шаңнап-мактаан.
Беш километрге 18-тен 44 хар аразында херээжен улус аразынга Ак-Довурактан Анай-Хаак Күжүгет тиилекчи болган. Ийиги черге Ак-Довурактың спорт школазындан Ай-кыс Күжүгет төлептиг болган. Үшкүзүнге Мария Маадыр-оол келген.
Ол-ла хемчээлге эр удус аразынга Эльмир Хазеев тиилээн. Ийиги, үшкү черлерге Россияның ОБЯ-зының Тыва Республикада салбырының төлээзи Дөнен-оол Доржу, Ак-Довурактан Уяраш Монгуш төлептиг болганнар.
45 хардан өрү назылыг херээжен спортчулар аразынга Айлана Ооржак тергиидээн. Ийиги, үшкү черлерге Улуг-Хемден Ольга Ондар, 5 дугаар гимназиядан Агафья Баяндай келгеннер.
Ол-ла назы-харга эр улус аразынга Александр Оюн тиилээн. Ийиги черни Тываэнергодан Эрес Болат-оол, үшкүзүн Кызыл хоорайда Тываның информастыг технологиялар техникумундан Орлан Салчак алган.
10 километр хемчээлге 18-тен 44 хар чедир назылыг эр улус аразынга Магадылал фондузундан Меңги Монгуш тиилээн. Ийиги черни Бай-Тайганың Бай-Талдан Сергей Куулар, үшкү черни Өвүрден Күзел Төмүр алган.
Студентилер аразынга “Студентилер крозу-2024” деп чиик атлетика маргылдаазынга дээди болгаш ортумак өөредилге черлериниң студентилери, сургуулдары киришкен. 5 километр хемчээлге эр улус аразынга ТывКУ-дан Айыр-Санаа Монгуш, а херээжен спортчулардан Медицина колледжинден Айлазат Докан-оол олар тиилекчи болганнар. Эр улус аразынга ийги, үшкү черлерге Башкы колледжинден Каң-Демир Оюн база Меңги Шаравии келгеннер. Уруглар аразынга ийиги черни Олимпийжи курлавырлар учидищезиниң төлээзи Анастасия Голубцова, а үшкүзүн Медицина колледжинден Валерия Сарыглар алган.
Республиканың Спортчу хемчеглер эргелелиниң медээлеринден алган.
