Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Чаш назынче кичээнгей

21 июня 2024
8

Кызылда “Сылдысчыгаш” деп аттыг салым-чаяанныг уруглар төвүнге “РФ-те чарлаттынган Өг-бүле чылынга тураскааткан ада-иениң хөй-ниити ажылының талазы-биле чаш назынның навигаторларының ажыл-чорудулгазы” деп темалыг “төгерик ширээ” болуп эрткен.

Аңаа июнь 12-ден 15-ке чедир болуп эрткен “Тыва– өңнүктерге» регионнар аразының этнотурисчи өөредиглиг шуулганны түңнеп, Бурят, Тыва, Саха республикаларның төлээлери, «Чаш назынның навигаторлары» федералдыг төлевилелдиң киржикчилери, школа директорларының кижизидилге ажылының талазы-биле чөвүлекчилери, башкылар киришкен.

ТР-ниң өөредилге сайыдының бирги оралакчызы Ольга Сенди чыылганнарга байыр чедиргеш, “төгерик ширээде” чугаалажып турар айтырыгны чедимчелиг шиитпирлээринге регионнар аразында арга-дуржулга солчулгазы, кады ажылдажылганың чугулазын демдеглээн. Ол ышкаш шуулган киржикчилеринге ТР-ниң Өөредилге яамызының мурнундан сертификаттарны тывыскан.

Ооң соонда «Чаш назынның навигаторлары» федералдыг төлевилелдиң Тывада харылзаштырар төлээзи Сергей Лопсан чыылганнарга регионда ол талазы-биле кандыг ажылдар чоруттунуп турарын, республиканың школаларында “Ромашка” ада-иелерниң эгелекчи саналдар төптери тургустунганын таныштырган. Оон аңгыда, Национал ада-иелер ассоциациязының Тывада даргазы Людмила Спирина кылып чорудуп турар ажылының дугайында арга-дуржулгазы-биле солушкан. Кызыл кожууннуң Каа-Хем суурунда 2 дугаарлыг школаның директорунуң чөвүлекчизи Сайзана Куулар өөреникчилерниң ада-иелери-биле кандыг ажыл чорудуп турарын аалчыларга чугаалап берген. “Төгерик ширээ” киржикчилеринге ол хүн гипстен дүрзүлер будуурунга мастер-классты координатор эрттирген.

Бурятиядан келген Валентина Бардаханова биле Якутиядан Нюргуяна Макарова боттарының регионнарында ук төлевилелдиң боттанылгазының болгаш Россияда чарлаттынган Өг-бүле чылынга тураскааткан кандыг солун ажылдар чорудуп турарының дугайында таныштырганнар.

Ол-ла “төгерик ширээге” киржип келген аалчыларга Кызылдың 5 дугаарлыг гимназиязының англи дыл башкызы Сарюна Аюшеева тыва тоолдар маадырларының дугайында пазлдарны белекке берген. Аныяк башкы бодунуң өг-бүлези-биле чогаадып кылганы төлевилелиниң канчаар эгелээнин таныштырып чугаалаарга, чыылганнар дыка сонуургаан.

Шуулган киржикчилери “төгерик ширээ” соонда Кызылдың А.Б. Чыргал-оол аттыг уран чүүл колледжизинге четкен. Аңаа колледжтиң директору Айлаңмаа Каң-оол Тываның база бир байлак төөгүлүг ортумак тускай өөредилге чериниң тургустунган төөгүзүн, ооң доозукчуларының чүгле республикада эвес, Тывадан дашкаар алдар-аттыг, бедик чедиишкиннерлиг ажылдап чоруурун тайылбырлап, солун экскурсияны кылган. Колледжтиң директорунуң кижизидилге талазы-биле чөвүлекчизи Белекмаа Даржаа аалчыларны Студентилерниң эгелекчи саналдар төвүнче чалааш, өөредилге чылында кылып чоруткан ажылының дугайында таныштырган. Чыылганнарга колледжтиң уран чогаадыкчы коллективтери концертти бараалгаткан.

Шуулганның киржикчилери дараазында ТР-ниң күрүне лицейинге четкен. Аңаа лицейниң директорунуң кижизидилге талазы-биле чөвүлекчизи Татьяна Лицкевич аалчыларга Уругларның эгелекчи саналдар төвүнүң ажылының дугайында болгаш чедиишкиннери-биле таныштырган.

Ынчалдыр «Чаш назынның навигаторлары» федералдыг төлевилелдиң киржикчилери регионнар аразында удур-дедир арга-дуржулга солчулгазын кылып, шуулганның үре-түңнелдиг болганынга өөрүп тараан.

Сорунза МОНГУШ.

Буян ООРЖАКТЫҢ тырттырган чуруктары.


“Шын” № 45 2024 чылдың июнь 19