4 харлыг Чечен-оол кырган-авазынга байыр чедирген:
“Кырган-авай, мен сеңээ ынак мен. Төрүттүнген хүнүң-биле байыр чедирип тур мен!”
Авазы: “Кырган-аваңга чүнү күзээр сен, оглум?”
Чечен-оол бичии бодангаш: “Кырган-авай, сеңээ мен пирожоктар быжырып бээриңни күзээр-дир мен!”
Ачазы балыктаар дээрге, 6 харлыг уруу эдерип туруп берген.
“Уруум, ында ыргак-сээктер аът хире улуг болгаш дендии хөй. Хүндүс изиг, дүне соок база ...” – деп, ачазы уруун көгүткен.
Бичии болганда уруу айтырган:
“Ынчаарга, сен ындыг коргунчуг черже чүге баар деп турар кижи сен, ачай?” – деп, элдепсинип көрген.
Ачазы харыы тыппайн барган.
– Авай, сен бичии туруңда компьютер турган бе?
– Чок.
– Интернет?
– Чок.
– Соталыг телефон?
– Чок.
– Авай, ынчаарга сен динозаврларны көрген сен бе?
Авазы чаа шуба хемчээп турда, 5 харлыг уруу көргеш:
– Авай, бо шубаны кедип алырыңга дендии чараш апаар-дыр сен!
– Ындыг бе? – деп, авазы өөрүй берген.
– Ийе, сен ону кедип алырыңга, овчаркага дөмей апаар-дыр сен!
«Шын» №26 2024 чылдың апрель 6