Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Чедиишкиннерни оштаар оваа.

28 мая 2023
29

Республиканың эр хиндиктиг чону дүүн, май 27-ниң хүнүнде, Бай-Тайга кожуунда Тываның ыдык дагларының бирээзи - Бай-Тайга даан дагыыр ёзулалды эрттирген.

Ыдыктыг Бай-Тайганы дагыыры бүгү республиканы ыдыктааны-биле дөмей күштүг дээрзин Тываның чурттакчылары бүзүреп турар. Ынчангаш сүзүктүг кижилерге Бай-Тайга даа хей-аъттың киискидикчизи болуп чоруур. А дагылгага киришкен кижилерге бүдүн чыл чедиишкиннерни оштаар.

«Бөгүн Тывада кончуг күштүг дагылга эртип турар. Сака Дака «ачы-буян айында» ыдыктыг Бай-Тайганың дагылгазы хөй-ле улусту эвилелдээн. Эр чонувус хар-чаъс дивейн, үш муң ажыг метр бедикче үнүп, дагылгага киришкеш, өршээлди дилеп, бүгү-ле чүүлдерге чедиишкиннерни кыйгыртыр».«Бистиң өгбелеривистиң чугаалап чорааны ышкаш, ыдыктыг тайгавысты дагаан чырыткылыг езулал кижи бүрүзүнге күчү күштү хайырлаар-ла болзунам!» - деп, деп, Тываның Баштыңы Владислав Ховалыг социал четкилерде бодунуң блогунга бижээн.

Чазактан төлээлер: Тыва Республиканың Чазак даргазының оралакчызы Алик Монгуш, улуг хуралдың даргазының оралакчызы Маадыр Успун, Бай-Тайга кожууннуң Чазактан дагдыныкчывыс Чойган Дандар, күш-культура яамызының сайыдының хүлээлгезин күүседип турар Саян Монгуш, Дээди хуралдан Бай-Тайга кожуун девискээриниң депутады Айдын Монгуш олар дагылгага киришкеннер.

Оваа кырынга дагылга ёзулалының эгезинде чыылган эр хиндиктиг кижилерге Тыва Республиканың Чазак даргазының оралакчызы Алик Монгуш байыр чедирген. Тываның Камбы ламазы Гелек Нацык-Доржу дагылганың ёзу-чурумунуң база кижи төрелгетенге болгаш амылыг чүүлдерге ачы-хавыяазының дугайында тайылбырлаан.

Улуг оваааны дагаан соонда «Бел» аржаанының чоогунда Тейлерде Чоксум хүрээзиниң девискээринге шажын ёзулалдарын уламчылаан.
Байырлалдың эгезинде чыылган чонга Тыва Республиканың Чазак даргазының оралакчызы Алик Монгуш, Бай-Тайга кожууннуң Баштыңы Экер Байс, кожуун чагырга даргазының хүлээлгезин күүседип турар Аржан Хертек байыр чедирип, сөс алган соонда, кожууннуң культура эргелелиниң ажылдакчылары чараш оюн-тоглаазын бараалгаткан. Дагылгага келген эр хиндиктиг чонга аът чарыжының, ча адарының база тыва хүрештиң маргылдаалары болган.

Улуг Ыдык дагылгавыс соонда улус чонувуска амыр-тайбың делгерезин, озал-ондак ырап чорзун, чер-чуртувуска чаа-дайын чавырылзын, азыраан мал-маганывыс арбын өссүн, тараа-быдаа, үнүш-дүжүдүвүс элбек-ле болур болзун! Курай-Курай-курай!

Бай-Тайга кожууннуң чагыргазы.