Улуг-Хем кожууннуң Чааты сумузундан ырак эвесте арга-арыгда өрт болуп турар, ынчангаш «Чодураа» деп дыштанылга лагериниң девискээрин хоралыг ыш хөме алган. Лагерьниң бирги ээлчээн хуусаа бетинде дүрген хаар дугайында шиитпирни Онза байдалдар комиссиязы хүлээп алган. Агаарның газының тургузуун хынары-биле ынаар Росхереглелхайгаарал лабораториязының ажылдакчылары үнүпкен.
«Чодураа» лагери июнь айның эгезинде ажылын эгелээн. Аңаа 93 уруг дыштанып турган. Бо хүнде ОБЯ-ның ажылдакчыларының база эмчилерниң үделгези-биле уругларны Шагаан-Арыг хоорайже чедирген. Чамдык уругларның баштары аараан, оларны эмнелгеже чедирген. Уругларның байдалы ортумак. Лагерьден уругларны дажып турарының дугайында медээни ада-иелерге дыңнаткан. Уругларны ада-иезинге болгаш хоойлу езугаар төлээлеринге хүлээдир.
ТР-ниң Өөредилге яамызы уругларның чайгы кадыкшылга кампаниязының үезинде оларга айыыл чок чорукту хандырар талазы-биле ажылды республиканың оперативтиг албан черлери-биле демниг чорудуп турар.
ТР-ниң Өөредилге яамызының медээзинден.