Март 27-де мөөрейже чагыгларны хүлээп эгелей берген. Фестиваль июль 17-ден август 9-ка чедир “Кып-кызыл парустар” деп Россия чергелиг уругларның дыштанылга лагеринге болур (Крым, Евпатория хоорай).
Мөөрей “театр”, “чурулга уран чүүлү”, “медиа”, “хөгжүм”, “сам” деп 5 аңгы угланыышкынга 12 хардан 17 харга чедир уруглар аразынга болуп эртер. Чагыгларны май 15-ке чедир https://vk.com/away.php?to=http://?4??4??4??4??4??4??.. фестивальдың сайтызынга хүлээр. Комиссия 100 тиилекчини илередир, олар улаштыр “Кып-кызыл парустар” деп дыштанылга төвүнче чоруур. Аңаа олар 5 аңгы угланыышкынга профессионалдардан өөренип, арга-дуржулганы алыр.
Фестивальдың директору Виталий Молевтиң дыңнадып турары-биле, “Чуртта! Чогаат! Тургус!" деп чогаадыкчы чорук төлевилелинге уруглар Крымның чурттакчыларынга боттарының уран талантызын көргүзүп, сменаның төнчүзүнде улуг гала концертти бараалгадыр.
Фестивальга культураның ажылдакчылары, политиктер, хөй-ниитиниң лидерлери, сураглыг чурукчулар, хөгжүмчүлер болгаш хореографтар аалдап баар.
«Элээди журналистер эвилели» деп Россия чергелиг уругларның хөй-ниити организациязы 15 чыл ажыг чурттуң уругларын эвилелдеп ажылдап турар. “Аныяктарның ажык медиаделгеми”, “Келир үеже көрүш”, “Медианың айыыл чок чоруунуң эки турачылары”, “Россияның аныяк медиалидерлери” деп төлевилелдер чогаадыкчы, идепкейжи элээди журналистер болгаш блогерлерни илередип, оларны деткииринче угланган.
2006 чылдан тура, Элээди журналистерниң эвилели Орлёнокка “Бумеранг” деп Россия чергелиг уругларның фестиваль-шуулганын эрттирип турар. Артекке Делегей чергелиг медиашуулганны 8 чыл дургузунда эрттирип турар. Ук төлевилелдерниң киржикчилери келир үеде чурттуң сураглыг дээди өөредилге черлеринче дужаап алгаш, медиаиндустрия шугумунуң специалистери болуп ажылдаар аргалыг болур.
Фестивальдың дугайында дараазында айтыглардан допчузу-биле таныжып болур:
https://vk.com/kreativfest
https://vk.com/liga.press
#ЖивиТвориСозидай #ФестивальЖивиТвориСозидай
“Чуртта! Чогаат! Тургус!" чогаадыкчы чорук фестивалы
31 марта 2023
28