Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Дөгээ кырынга Тываның тугу киискээн

17 сентября 2023
56

Бөгүн, сентябрь 17-де, “Тываның энерелдиг чүректери” шимчээшкинниң аныяктары, Кызылдың өөредилге албан черлериниң сургуулдары болгаш найысылалдың өске-даа чурттакчыларының киржилгези-биле Дөгээ дааның кырынга Тываның тугун киискидер хемчег болуп эрткен. Оларның аразынга туктуң эскизиниң автору, билдингир чурукчу Оюн-оол Сат база чаладып киришкен.

Дөгээ дааның кырынга чыглып келген аныяктарга Оюн-оол Доктугуевич туктуң эскизин канчаар чуруп турганын, ында кирген өңнерниң утказын тайылбырлап берген:

- Баштайгы эскизке орхон-енисей бижимелиниң "А" деп үжүү болгаш катчы бээр ийи хемни көргүскен турган. Көк оңнүң кырынга хемнер - ак, үжүктү-алдын өң-биле көргүскен чүве. Ону депутаттар хүлээп албаан. Сөөлүнде, ол эскизти эткен соонда, мындыг тук үнүп келгени бо" - деп, хоочун чурукчу тайылбырлаан.

Аныяктар шимчээшкининиң удуртукчузу Артыш Монгуш Тываның тугу кижи бүрүзүнүң каяа-даа чорааш төрээн республиказын бараалгадыр сүлде демдээ болуп турарын чугаалаан. Ылаңгыя спортчуларывыс чурттан дашкаар маргылдааларга киржирде, албан Тывазының тугун ап алыр. Чүге дээрге ол туктуң артында бүдүн чон бар болганда, төрээн чуртунуң сүлде демдээ оларга тиилелгеже идигни берип, улам күш киирер дээрзин спортчулар чугаалап турганын аныяктар шимчээшкининиң удуртукчузу дыңнаткан. Ол ышкаш Тывадан ТШО-да киржип чеде берген дайынчылар база кажан-даа тугун утпас, шериг хевинге тукта кирген өңнерлиг шевроннарны база кадап ап турарын демдеглээн.

Тыва Республиканың Күрүне тугунуң хүнүн сентябрь 17-де кылдыр тургусканы база анаа эвес. 1992 чылдың сентябрь 17-де Тываның Дээди Соведи тукту бадылаан-даа болза, мурнунда чылдарда ооң хүнүн онзагай демдеглевейн турган. Чүгле бо чылын Тываның Баштыңы Владислав Ховалыгның деткимчези-биле туктуң хүнүн тургускан.

Ынчалдыр Тываның төөгүзүнде бир дугаар ТР-ниң Күрүне тугунуң хүнүн демдеглээн болуп турар.
Бистиң корр.

Буян Ооржактың тырттырган чуруктары.