Чөөн-Хемчик кожууннуң Чадаана хоорайда хой дүгү дужаар пункт ажыттынган. Сайгарлыкчы Э.Э. Бирлей хууда дузалал ажыл-агыйлыг хамаатылардан хой дүгүн хүлээп эгелээн. 25 малчын 17,5 тонна дүктү эккелген.
Дүктүң шынарын көрүп тургаш, 1 килде - 6-8 рубль акшага санаан. Дүк дужааган хамаатылар 1 килден-не 20 рубль түңнүг субсидияны Тываның Көдээ ажыл-агый болгаш аъш-чем яамызындан алыр. Дүк бүдүрүкчүлери субсидия алыр дугайында документилерин дужаапкан.
Хүлээп алган дүктү улаштыр болбаазырадыры-биле, КХН "Сергеихинский текстиль" КХН-че аппарган.
#Тыва #Приемшерсти #Минсельхозтувы
Бистиң корр.
