Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Дөрт хевирге чедиишкиннер

1 октября 2023
17

Сентябрь ай тыва спорттуң дараазында хевирлеринге — сумо, ушу, бодибилдинг, шыдыраага дүжүткүр ай болган.

Эң-не баштай, сентябрь 25-те, Японияда 23 харлыг мөге оглувус Амыр-Санаа Даваа (мөге шола ады Роуга) ийи дугаар чада маргылдаазынга 8 дугаар тиилелгени чедип алгаш, профессионал сумонуң эң дээди чадазы, шыырактарның шыыраа хүрежир Макуути дивизионда шилчип келгени улуг чоргаарал. Мөгевиске байырны чедирбишаан, ам-даа эки хүрежип, йокодзуна – өндүр чемпион чедир хүрежирин күзедивис.

Ниити профессионал сумода 6 дивизион чада бар; 1 – Макуути, 2 – Дзюрё, 3 – Макусита, 4 – Сандаммэ, 5 – Дзёнидан, 6 – Дзёнокути. Мөгевис эң дээди Макуути дивизионче үнүп келгеш, Император Кубогу дээш хүрежир эргени чедип алган. Албан ёзузу-биле ону бо чылдың октябрь 30-де чарлап эрттирер. Амыр-Санааның дурт-сынының узуну 183 см, кили 135 кг, авазының талазындан ызыгуурлуг мөге. Кырган-ачазы Тес-Хемден Валерий Араптан 1971 чылда Наадым чемпиону, спорттуң национал хевиринге РСФСР-ниң спорт мастери болур.

Дараазында сентябрь 15–21 хүннеринде Кыдатта Цзяоцуо можунуң Хэнань хоорайга ушунуң тайцзицюань хевиринге XI делегей чергелиг маргылдаа болуп эрткен. Ооң кол сорулгазы — туризмни сайзырадыры, мага-боттуң байдалын экижидери, багай салдарлардан хосталыры. Ол маргылдаага тыва спортчулар тергиин эки киржип, алды шаңналдыг черни алганнар. Эң эки көргүзүгнү Чөөн-Хемчикте кожууннар аразының эмнелге төвүнден фтизиатр эмчи Айлаң Ондар танцзигунь (тудар чүүлдүг) база танзицюань (тудар чүүл чок) ийи хевирге шииткекчилерниң эң бедик үнелелин ап, алдын медальдарны чаалап алган.

Ушунуң “Узун назынныглар оруу” деп спортчу клувундан Эльвира биле Оксана Ооржактар шаңналдыг черлерни алганнар. Эльвира Ооржак ийи хевирге (тудар чүүл чок база челбииштиг) мөңгүн медальдарны алган, а Оксана Ооржак (тудар чүүл чок база дорт селемелиг) ийи хевиринге мөңгүн база хүлер медальдарга төлептиг болган.

Бо хүннерде Красноярск крайның бодибилдингиге бирги чер дээш ажык чемпионадынга чараш мочак-мочак шыңганнарлыг бистиң чаңгыс чер чурттуувус, хөй мөгелерниң күш-шыдал талазы-биле дагдыныкчызы Сай-Херел Түлүш ийи аңгы хевирге тергиидээн. Баштай 90 кил чедир спортчулар аразынга чемпионнаан, а ооң соонда 180 см чедир узун дурттуг спортчулар аразынга чемпион атка төлептиг болган.

Солун медээ — сентябрь 3–15 хүннеринде Зеленоград хоорайга дыңнаары багай спортчулар аразынга Россияның шыдыраа чемпионадынга Алдар Ооржак тулган чемпион болган. Алдарның көргүзүү — 8 тиилелге, 2 хайым, 1 аштырыышкын. Түңнелинде, ол 2024 чылда Турцияга болур кышкы Сурдлимпий оюннарынга киржир эргени чаалап алган.

Алексей ЧАМБАЛ-ООЛ.


«Шын» №74 2023 чылдың сентябрь 30