Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Дайынчыларга Чаа чылдың белектери

17 декабря 2022
3

Декабрь 18-ке чедир дайынчыларга Чаа чылдың белектерин чыырынга чедир санныг-ла хонук арткан.

Кызыл хоорайның Кочетов кудумчузунда 155 дугаарлыг бажыңда, республиканың каттышкан штавының офизинде “Дайынчыларга Чаа чылдың белектерин” чыып турар. Белекке аъш-чем аймаа, хой эъди, эттеп каан алгы-кеш база чүң уктар кирер. Чаа чылды уткуштур бистиң эрес-дидим дайынчыларывыстың фронтучу сеткил-хөөнүн көдүрер сорулга-биле, чыгдынган белектерни декабрь 18-те Кызылдан чорудар. Хой эъди – тыва кижиниң кужуру. Төрээн черинден келген “изиг хан” бистиң оолдарывыска күштү берип, дайынчы хей-аъдын көдүрер боор деп, регионнуң штавы санап турар.

Кызыл хоорайның чурттакчылары Елена Ондар, Нелли Чыпсынак баштаан 10 хире пенсионер дайынчы оолдарга “Чаа чылдың белээнге” хой дүгүнден чылыг хептерни: 50 ажыг оорга чылыглаар, 20 ажыг дискектер чылыглаар хеп, 10 дүктүг бөрттерни, 5 чүң укту аргып-даарааш, хүлээдип берген. “Бир эжеш укту бодумнуң шаам-биле неделя ишти аргыдым. Бо удаада 5 укту аргааш, эккел- дим” — деп, Клавдия Маркова чугаалап турар.

Декабрь 14-те күрүне албан черлери, хөй-ниити организациялары болгаш идепкейжи чондан 97970 рубль акшага чигирзиг белектер, хой эъди болгаш аъш-чем аймаа чыгдынган.

Дайынчы оолдарга Чаа чылдың белектерин декабрь 18-ке чедир дараазында адреске чедирип болур: Кызыл хоорай, Кочетов кудумчузу, 155 дугаарлыг бажың, 26 дугаар өрээл, харылзажыр тел.: (тел. 2-17-44), (тел. 2-10-50).
/ А. ДОНГАК белеткээн.