Тускай шериг операциязыныӊ дайынчылары Эдуард Бирилей, Игорь Багрецов, Иннокентий Кокер-оолдуӊ өскен-төрээн чери – Улуг-Хем. Олар Шагаан-Арыг хоорайныӊ Дружба кудумчузунда 57 биле 57/1 дугаарлыг бажыӊнарга чурттап турган.
Амыр-тайбыӊ чуртталга дээш олар амы-тынын харамнанмайн, эрес-дидим демисежип турган. Дайынчы хүлээлгезин күүседип тургаш мөчээн бо үш маадырныӊ төрелдери Дружба кудумчузунда бажыӊнарныӊ чанында уруглар ойнаар шөлдү боттарыныӊ акша-хөреӊгизи-биле чаартып кылган.
Эдуард Бирилей бичии уруглар ойнаар шөлдү септеп кылыр деп күзелдиг турган дээрзин ооӊ өөнүӊ ишти чугаалаан. Бо үш маадырныӊ төрелдери демнежип алгаш, уруглар шөлүнге чайганыыштар, сандайлар болгаш өске-даа чүүлдерни боттарыныӊ акша-хөреӊгизи-биле кылдырып каан.
Амгы болгаш келир үениӊ салгалдары төөгүнү утпайн, сактып чорзун дээш мемориалдыг самбыраны база тургускан. Дайынчыларга тураскааткан самбыраныӊ байырлыг ажыдыышкынынга улуг-биче чон боодал чечектерни салган.
Улуг-Хем кожууннуӊ медээлеринден Р.Демчик очулдурган.
“Шын” №71 2023 чылдың сентябрь 20