Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Далай шеригжи Айран Чооду — Эрес-дидим ордениниң кавалери

22 декабря 2023
26

Айран Чооду Тываныӊ Каа-Хем кожуунунуӊ Суг-Бажы суурга 1998 чылда төрүттүнген. Ол бодунуӊ салым-чолун шериг ажылы-биле 2016 чылда доӊнаштырган. Кажан школаны доозуп турда, ону Россия Федерациязыныӊ Чепсектиг Күштеринге шериг албанынче келдирген. Зенитчик деп шериг мергежилин аӊаа шиӊгээдип алган.

2018 чылда Чечен Республикага керээ-биле шериг албанынга ажылдап турган, арга-мергежилдиг солдатты ооӊ соонда Оожум океанныӊ флодунуӊ далай шерииниӊ элита кезээнче шилчиткен.

2022 чылдыӊ февраль 24-те тускай шериг операциязын чарлаан соонда, Айран Чоодунуӊ шериг кезээ баштайгы хүннеринден тура Донбасстыӊ элээн хөй суурларын хостаарынга идепкейлиг киржип келген.
Оларныӊ колонназыныӊ кедээшкининге таваржы бергени Айранга эӊ аар-берге демисел болгаш шылгалда болган. Ынчалза-даа далай шерииниӊ кыйгызында «Бис каяа турар бис – Тиилелге ында» дээни анаа эвес. Удурланыкчылар соора билген, олар аар чидиригге таварышкаш, аткаарлай бергеннер. Дайзыннарны чаза шавар демисел үезинде Айран хөй санныг бузундулардан балыгланып кемдээн. Бронетехниканыӊ илчирбе дугую ооӊ будун бастырган соонда, эрес-дидим далай шеригжиниӊ буду аар кемдээн.

Оон улаштыр 7 ай дургузунда аӊгы-аӊгы госпитальдарга эмнедип турган. Кайгамчыктыг эмчилер буттуӊ үзүлген кезектерин чыып тургаш, ооӊ будун бүдүн хевээр арттырып берген.

Айран чанып келгеш, Кызылда Республиканыӊ эмчи колледжинче өөренип кирип алган. Амгы үеде ол «Лечебное дело», «Фельдшер» деп мергежил талазы-биле ийи дугаар курстуӊ студентизи.
Маадырныӊ бодунуӊ чугаалап турары-биле алырга, кижиниӊ улаштыр канчаар амыдырап-чурттаары, ылаӊгыя дайынчыныӊ амыдыралы, кемдеп балыгланган ол-ла үезинде эмчиниӊ билдилиг ачы-дузазын чедиргенинден хамааржып турар. Мергежилди ТШО киришкен соонда, шилип алганы аӊаа кол чүүл болган.

Төрээн чер-чуртунче чанып келгенинден бээр бир чыл эрткенде, төлептиг шаӊналы Айранны тып алган. Тыва Республиканыӊ шериг комиссариады аӊаа Эрес-дидим чоруктуӊ орденин тывыскан.

Тыва Республиканың шериг комиссариадының медээлеринден
Р.ДЕМЧИК белеткээн.


«Шын» №97 2023 чылдың декабрь 20