Бөгүн, ноябрь 21-де, Тываның Баштыңы Владислав Ховалыг "Россия" делгелге-шуулганда киржип турар. Шуулганның шөлдеринге янзы-бүрү культурлуг хемчеглерден аңгыда, стратегтиг сессияны база организастаан.
«Чоокта чаа тургускан бүгү Сибирьниң хөгжүлдезиниң Стратегиязының ужур-утказын тодаргайлап демдегледим. 2035 чылга чедир өске регионнар-биле Сибирьниң чаңгыс аай экономиктиг байдалын хевирлевишаан, бот-боттарывыстың күштүг талаларын ажыглап өөренир бис. Тывага – ооң географтыг туружу-дур. Боттарывыстың болгаш кожаларывыстың чаагай чоруу дээш ону ажыглаар бис.
Бо хүнде Тывадан Моолче Хандагайты – Боршоо автомобиль эрттирилге пунктузун чаартыр ажылдарны чорудуп, Кызылдың аэропортунуң агаар эрттирилге пунктузун база эде кылып турар бис. Төп-Евразия демир-орук коридорун тургузарынче онзагай кичээнгейни салып турар. Бо тема бистиң Президентивис Владимир Путинни сонуургадып турар. Ам чүгле кандыг схема-биле ону боттандырар дугайында айтырыг бар. Деткимчени чедип алыр дээш, федералдыг эрге-чагырга органнары-биле ажылдап турар бис.
СФО-нуң хөгжүлдезиниң Стратегиязынче Тывадан үлетпүр төлевилелдери-биле деңге орук-транспорт хөгжүлдезинче угланган төлевилелдер кирип турар. Бо сорулганы бүгү Сибирьге ажык-дузалыг болур кылдыр шиитпирлээри чогумчалыг. Моол биле Кыдатче Тыва таварыштыр транзитти тургусканы-биле бүгү Сибирь федералдыг округтуң ажыл-агыйжы идепкейи күштелир» – деп, Владислав Ховалыг демдеглээн.
![](https://sun4-20.userapi.com/impg/3EU-3OGdp7-5Yv8ihh53BYxcdLonJI5GkqJHQQ/47d2JaIF9I8.jpg?size=604x453&quality=95&sign=b738552076e021daaa0b4e73dfb987a6&c_uniq_tag=mTLsWXnQLJWfzWZrr_cBcjXB2GU9X9V-0-vFaMGOy40&type=album)
![](https://sun4-19.userapi.com/impg/XyvCQ99dAAaTriZq0EU8-E6jsXNHXCt0y3tcEw/4pieH1eI9q8.jpg?size=604x391&quality=95&sign=5182340828da1a4648b0b20c655e8ce3&c_uniq_tag=GzZLWkyozBJqua7rCvUXZfhAabdIAUiIcywcAD_hJAg&type=album)
![](https://sun4-21.userapi.com/impg/0pyNVJid9OUE81OyUiIhwvkkACTaPmUYZ2im0g/5IISuG1-NA4.jpg?size=604x435&quality=95&sign=20cabe56d6768761ddc93b3b2fedd72f&c_uniq_tag=6LzFVxJPyJNYNw1mFciq0UKjoZ1FGPsIDLOptZCvzHA&type=album)
![](https://sun4-22.userapi.com/impg/mUGdncFNRwETa2dqQe4rw7-UYCacSaZ8VGvlZg/l65T8v4WCkM.jpg?size=604x402&quality=95&sign=32d122d3c4fee05ae15a7069481d1dbc&c_uniq_tag=kGJ4-fXTsujT-2zg16dcB79UT8fx0--H8Y75a_w10Y0&type=album)
![](https://sun4-21.userapi.com/impg/IuM7rB4o5pJCAFEJftniwvtJs2WN-VGtOjQqSQ/8DYnNGyu3_A.jpg?size=604x279&quality=95&sign=c8c7219fe967ff04acb2976dc1d0fa91&c_uniq_tag=_fHk1QLl9t_fwJ74HReaKmgy-GWDRJRU-b2kRQr_T-4&type=album)