Арга-арыг камгалаар төптүң чарлааны экологтуг акцияга Тываның чурттакчылары идепкейлиг киришкеш, үш ай дургузунда 2100 ажыг ажыглалдан үнген батарейканы чыгган.
Специалистерниң санап турары-биле, ажыглалдан үнген 2100 ажыг батарейканы черже октавайн, чаңгыс черге чыгган түңнелинде, оларның бойдуска чедирип болур хоралыг хирлениишкининден дөрт гектар хире черни, дөрт муң ажыг ыяштарны, он-он чараа-чечен, дедир-даваннар болгаш хөрзүн шыйлашкыннары дээш өске-даа арга-арыгның бичии дириг амытаннарын камгалап алыр аргалыг болган.
Республиканың аңгы-аңгы булуңнарындан акцияга киришкен чурттакчыларның чыгган батарейкаларын Екатеринбург хоорайда «Ведущая Утилизирующая Компания» КХН-че чоруткан.
Акция май 25 ке чедир уламчылаар деп сагындырып каалы.
Чыглып келген ажыглалдан үнген батарейлерни “Тыва Республиканың Арга-арыг камгалаар төвүнге” дужаап болур. Ооң турар адрези: Кызыл хоорай, Загородный деп белдирде турар 23 дугаарлыг бажың.
Интернеттен чурукту ажыглаан
Экологтуг акция уламчылап турар.
25 февраля 2023
33