Май 9 байырлалында Арат шөлүнге Тыва Республиканың Өөредилге яамызы янзы-бүрү темаларлыг шөлчүгештерни организастаан: «Россияның эзиржигештери», «Юнармия», «Айыыл чок чорук лабораториязы», «Тиилелгениң волонтёрлары». Тываның найысылалының элээди чурттакчыларынга болгаш аалчыларынга фото-чуруктар делгелгезин, Тиилелге хүнүнге тураскааткан чуруктар мөөрейин база пряниктерге уран чурулга мастер-клазын организастаан.
Ол шөлчүгештерге 250 бичии кызылчылар болгаш аалчыларны хаара туткан. Эң-не идепкейжи киржикчилер суй белектерни алган.
Тиилелгениң волонтёрлары информастыг акцияны эрттирген: георгий лентазын шын кадаарын тайылбырлааш, Тиилелге хүнүнүң им-демдээн үлээн.
Делгелге зоназынга күзелдиг кижилерге кызыл гвоздикаларны сөңнээн. Ол ышкаш элээдилер «Өлүм чок полк» чыскаалынга база киришкен.
Медээлерни болгаш чуруктарны ТР-ниң Өөредилге яамызының социал четкиде арнындан алган.
“Шын” №18 2026 чылдың май 14
"Шын" солуннуң МАХ-каналынга каттыжыңар max.ru/join/egenQ...