Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Электри хандырылгазын чугаалашкан

3 июля 2023
16

Тываныӊ энергия хандырылгазыныӊ комплекстиг планын амыдыралга боттандырып турарыныӊ дугайында Александр Новак биле Владислав Ховалыг сайгарып чугаалашкан.


РФ-тиӊ Чазааныӊ Даргазыныӊ оралакчызы Александр Новак биле Тыва Республиканыӊ Баштыӊы Владислав Ховалыгныӊ ажыл-агыйжы ужаражылгазы, ооӊ Москва хоорайга командировказыныӊ үезинде болуп эрткен.

Регионга үлетпүр ажылыныӊ айыыл чок чоруунуӊ хемчеглерин ажыглап эгелээрин барымдаалап, энергия хандырылгазыныӊ идегелдиг болурунуӊ, ол ышкаш Тываныӊ энергия хандырылгазыныӊ комплекстиг планын 2025 чылга чедир боттандырар инвестиция төлевилелдериниӊ дугайында ийи тала сайгарып көрген.

Бедик вольтулуг электри дамчыдар шугумнарыныӊ улуг чагыларын Сибирьниӊ Магистральдыг электри четкизиниӊ Хакасияда бүдүрүлгези кылып эгелей берген, чагыларны эптеп кожар болгаш быжыглап тургузар тудуг шөлүн ол боду хынап турган дээрзин Владислав Ховалыг ужуражылга үезинде чугаалаан.

Бии-Хем кожуунда энергетиктер «Туран-Туманная» деп 220 кВ күштүг электри дамчыдар шугумну бо чазын кылып эгелей берген. 312 километр херии черде электри шугумун чедери берге девискээрлерге кылыр. Демир кезектерни хана-карактай кожуп кылган 1300 ажыг чагыларны тургузар. Ук электри шугуму келир үеде Ак-Сугнуӊ даг-байлакшыдылга комбинадынга энергияны немеп бээр, а Тожу кожуунну электрижидер.

Планда күүсеттинген ажылдарны шүүштүрүп, планнаттынган хемчеглерни акшаландырар аргаларны болгаш ону федералдыг бюджеттен өөренип көрүп тургаш, бадыткаарыныӊ дугайында чугаалашкан.

Электри хандырылгазыныӊ комплекстиг планын РФ-тиӊ Чазааныӊ Даргазыныӊ оралакчызы Александр Новак 2021 чылдыӊ декабрьда бадылаан. Ук документиде Тываныӊ социал-экономиктиг хөгжүлдезинге ажык-дузалыг хемчеглерниӊ нормативтиг эрге-хоойлулуг үндезиннерин, Тываныӊ девискээринде үлетпүр болгаш социал адырны электри энергиязы-биле хандырар комплекстиг ажылдыӊ техниктиг талазыныӊ шуптузун көргүскен. Планны 2021 чылдан тура 2025 чылга чедир боттандырар деп турар.

Комплекстиг планны күүседип боттандырган түӊнелинде, Ак-Сугнуӊ, Кызыл-Таштыгныӊ, Кара-Белдирниӊ даг-байлакшыдылга комбинаттарын, Тожу кожуунну тура дүшпейн ажылдаар идегелдиг электри четкилеринге кожар. «Чурттаар оран-сава болгаш хоорай хүрээлеӊи» деп национал төлевилел-биле Кызылда тудуп кылып турар чаа микрорайоннарны база ол электри четкизинге кожар.

Тарифтерниӊ тургузуун энергетика инфраструктуразыныӊ хөгжүлдези-биле чергелештир өскертириниӊ дугайында айтырыгны сайгарган дээрзин Владислав Ховалыг чугаалаан.

«Электри энергиязыныӊ өртээн хереглекчилерге республиканыӊ чурттакчыларынга чиигедир айтырыгны Россияныӊ Чазаа-биле ажылдап кылып турар бис. Вариантылар бар, шиитпири эки болурунга идегеп турар бис» — деп, Республиканыӊ Баштыӊы чугаалажыышкынны түӊнеп тура, тайылбырлаан.

Тыва Республиканыӊ Чазааныӊ медээзи-биле Р.Демчик белеткээн.