Бөгүн ноябрь 15-те 8.00 шакта дистанциялыг бадылаашкынны шенеп эгелей берген.
Бүгү-российжи дистанциялыг электроннуг бадылаашкынныӊ шенелдезинге киржир дээш билдириишкин киирген Тыва Республиканыӊ шупту соӊгукчуларын ноябрь 15,16,17 хүннеринде Дистанциялыг электроннуг бадылаашкын порталынга https://vybory.gov.ru бадылаарынче чалап тур бис.
Дистанциялыг электроннуг бадылаашкынныӊ программа-техниктиг комплекизиниӊ күчү-шыдалын бүрүнү-биле ажылдадып, шенеп хынаар сорулгалыг болган төлээде, ниити-российжи тренировкага киржир дээш билдириишкин киирген соӊгукчуларга бирги хүнүнде - ноябрь 15-те москва шагы-биле 8:00-12:00 шак үезинде https://vybory.gov.ru порталга бадылаарын сүмелеп турар.
Шенелде бадылаашкынга киржирде, https://vybory.gov.ru сайтыже киргеш, «Участвовать в тренировке» деп кнопканы базар.
Шенелде бадылаашкын ноябрь 15-те 8:00 шакта эгелээш, ноябрь 17-ниӊ 20:00 шакка чедир болур.
Шенелде бадылаашкынга киржир кижи бүрүзү Дистанциялыг электроннуг бадылаашкынныӊ ажылдаар чуруму-биле таныжып алыр. Дистанциялыг электроннуг бадылаашкын порталыныӊ шын ажылдаарыныӊ негелдезинге ооӊ бодунуӊ мобильдиг телефонунуӊ болгаш ооӊ браузериниӊ тааржыр-таарышпазын хынап алыр ужурлуг.
Шенелдеге канчаар киржирил:
Госуслуга порталынга авторизация кылдырып алыр;
СМС-биле келген кодту бижиир;
Бадылаашкын сервизин хынап алыр.