ЧАКПЫЫЛ АРАГА-БИЛЕ ДЕМИСЕЛ
Арага кылыгларын садып-саарарының дүрүмнериниң сагылгазынга ээлчеглиг рейдини чоруткан.
Шак ынчалдыр, полицияның участок төлээлери ТР-ниң Чөпшээрел-лицензия талазы-биле албанның база мэрияның ажылдакчылары-биле кады Карбышев кудумчузунда "Изабелла" садыгдан хажыдыышкынны илереткен. Ында садыгжы бараанны хааглыг чуга демир лаазада сайгарып турары илерээн:
«Аныяк оол саваны ажытпазын диледи, чүге дизе ажык пиво хапка төктүп каар”— деп, садыгжы бодунуң тайылбырын берген.
Ынчалзажок “хоойлу билбези – харыысалгадан хоставас” дээр болгай. Бо хажыдыышкын дээш садыгның буруулуг ажылдакчызы РФ-тиң Административтиг корум-чурум үрээшкиннериниң дугайында хоойлунуң 14.2 чүүлүн (хостуг садыглаашкынны кызыгаарлаттынган азы хоруглуг барааннарны хоойлу-дүрүмге чөрүштүр садып-сайгарганы) хажытканы дээш харыысалгага онаажыр, буруулуг хамаатыларны 1500-тен 2000 рубль чедир торгаалга онаар.
Ооң-биле чергелештир документилерни хынап кээрге, садыгның ээзи Орлан Бюрюней арага кылыгларының бүдүрүлге хемчээлдерин болгаш саарылгазын хынаар күрүнениң чаңгыс аай автоматчыткан медээ системазында (ЕГАИС) коштунмаан, бараанның үделге документилери чок болган. Арага-дары саарылгазы-биле холбашкан ажыл-чорудулга ук системага коштунган турар ужурлуг, чүге дизе шил бүрүзүнүң саарылгаже оруун эдерти көөр.
Ынчап келирге хууда сайгарлыкчыда бараан-транспорт документилериниң чок болганы дээш РФ-тиң Административтиг корум-чурум үрээшкиннериниң дугайында хоойлунуң 14.16 чүүлүнүң 2-ги болгаш 3-кү кезектери-биле протоколду тургузар база арага кылыгларын хавырбышаан, 10000-дан 15000 рубльге чедир торгаар.
АРАГАНЫ БАЖЫҢЫНДАН САТКАН
Апрель 4-те хүндүскү үеде профилактика хемчеглерин чорудуп тура, полицияның төлээлери Таңды кожууннуң Межегей суурга араганы чажыт арга-биле саарып турган барымдааны илереткен.
Шак ынчаар, олар 49 харлыг херээженниң тус черниң чурттакчызынга спирт холумактыг 700 мл суук бүдүмелди сатканын тодаратканнар.
Ооң бетинде, февральда, ол-ла херээжен ол-ла корум-чурум үрээшкини дээш харыысалгага онаажып, 30 муң рубльге торгадып турган.
Ооң-биле чергелештир, ук херээженниң дагын үүлгедии РФ-тиң Кеземче хоойлузунуң 171.4 чүүлүнде (Арага-дары кылыгларын хоойлу-дүрүмге чөрүштүр садып-саарары) көрдүнген кем-херек үүлгедиишкининге дүгжүп турар. Ук кем-херек үүлгедии дээш 50-ден 80 муң рубль чедир торгаал онаары азы бир чыл чедир эдип-чазаар ажылдарга шиидери көрдүнген.
Тыва Республикада ИХЯ-ның парлалга албаны.
«Шын» №28 2024 чылдың апрель 13
![](https://sun4-19.userapi.com/impg/iz98ui_ZPh5lUmuwIX5wFTMBpWzJScPs9bwAPw/YbYGWESoEgo.jpg?size=807x538&quality=95&sign=2243157e120f980dcc7fd0fdddd462c5&c_uniq_tag=3WRZHfrFZDV0y2lBCtyTsGL0_fiIE9pvXG1tLGAlEKY&type=album)
![](https://sun4-18.userapi.com/impg/XIdHYs6SFJOeKvT8uBf3juTpYYbyL1xQlkaJnA/WeWdizjP_G0.jpg?size=807x538&quality=95&sign=4d7a254bc92320faccc3c558cf55a8f9&c_uniq_tag=OLdDpXt2XH1Py4lKYshYIQ7TM1noN0JF85w581ppDh8&type=album)
![](https://sun4-19.userapi.com/impg/P0zTO-5kCCXXMc_fNgTA71mLIfBuGEZ-pgFbtQ/X757NPW33aE.jpg?size=807x538&quality=95&sign=98abf85964a4c9423135af9209591745&c_uniq_tag=fTkWOdoMgKqjpUtZMW0vFBluBTNSTvuvbkc3b6H8FLA&type=album)
![](https://sun4-19.userapi.com/impg/vNwBWqH9r-6V6GyNs55xjBCd5xOJK9W6PEyuTQ/wDBN1NDVCcM.jpg?size=807x576&quality=95&sign=d4163e9a415ad1e826ac1728df96e79a&c_uniq_tag=vT1xTgIKz4BWtZkdqD_VZOapMBP7jk0JMAJWno4-R08&type=album)
![](https://sun4-19.userapi.com/impg/3nlNlPc5shIs8pKA4dSkJrfTBd0lSY6YPGh0gg/SS0HNL5JPd0.jpg?size=807x630&quality=95&sign=8f410f62f709b78078fa5d2a0f404915&c_uniq_tag=sTfDHUxttEP0FzoHdgpTodyb3w9QgL-FbmGOf6BjYXM&type=album)
![](https://sun4-21.userapi.com/impg/5K-21ZIBDgoD9gIChx9gaPww4gNe73VNxyHEcA/VJCbydPAAVM.jpg?size=807x594&quality=95&sign=56e417cfb8f108088add1afb87fda61d&c_uniq_tag=ZUfjeI7ULAqxIYnLbcyiuo90_7pUkMFHLjHWQMrpIOk&type=album)
![](https://sun4-20.userapi.com/impg/ZCXpwnMPKtJVgFUCqirIpoZXsIKh_-khEMJsgQ/ung8N3pkpz8.jpg?size=807x538&quality=95&sign=c4b00192d535987d2164a3f2c6dc9c86&c_uniq_tag=Uvr6-Rsb7vj2CrT7B5QjhOyzFsOHGPAZN4l2ITluBbQ&type=album)
![](https://sun4-20.userapi.com/impg/_f8dQNz0_ZlGKDBPY0qHyYwfKvUijrUNsdVQ8A/xravz4YOq9U.jpg?size=807x605&quality=95&sign=6a853c51626d5e59303814d2776d55f4&c_uniq_tag=D04u0oEmFIzVbq9FWXHGjOOlwpoYFgTVPtcWoc2pPLg&type=album)
![](https://sun4-19.userapi.com/impg/fOWhLDM04MRbVIzsTRPRsPs-NPZirBqjkpMC8Q/MoWTUFtDBpw.jpg?size=807x605&quality=95&sign=13f9a224b2369b32702c4b225dc4edd0&c_uniq_tag=Nk65bBEgUElOHdPVi8yGGgt5untQqHGnWPu-qdsJWpQ&type=album)