2023 чылдың июль 23-те Кызыл хоорайның девискээринге, Улуг-Хем эриинге ойнап тургаш, сугга дүже берген 11 харлыг уругну Дозураш Доштуг-оол биле Мергешир Бар-оол камгалап кааннар.
РФ-тиң ОБЯ-ның Тыва Республика талазы-биле эргелелинге камгалакчы маадырларны шаңнаан.
«Амы-тыны айыылда улусту камгалаар дээш, бодун бодавайн, шурай бээр улус чоннуң үнелелинге болгаш шаңнал-макталга төлептиг. Силер – езулуг маадырлар-дыр силер!» — деп, ОБЯ-ның Тыва Республика талазы-биле эргелелиниң удуртукчузунуң хүлээлгезин күүседип турар Владислав Солонцов чугаалааш, школаны дооскаш, камгалакчыга өөренип алырын оолдарга чагаан.
Бистиң корр.
"Шын" №58, 2023 чылдың август 5