Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

ФИЛЬМНИҢ БАШТАЙГЫ КӨРҮЛДЕЗИ!!!

2 мая 2024
6

2024 чылдың май 8-те, Тиилелге хүнүнүң бүдүүзүнде, Тыва Республиканың Национал архиви “Тыва эки турачыларга тураскаадыг...” деп төлевилел-биле тырттырган фильмниң баштайгы көрүлдезинче республиканың чурттакчыларын чалап турар.

2023 чылдың май 20-де Ада-чурттуң Улуг дайынынче тыва эки турачы-танкычыларны Кызылдан үдээнден бээр мугур 80 чыл болган.

Бо төөгүлүг болуушкуннуң юбилейлиг чылында катап база ол үеже эглип, 1943 чылдың май 20-де И.В.Сталин аттыг Культура бажыңының (амгы филармонияның) чанынга болган үделгени диригжидип, ону документалдыг фильм кылдыр үндүрер дугайында эгелекчи саналды Тываның Национал күрүне архиви биле “Культурлуг төөгүнүң кадагалакчылары” деп Автономнуг комерция чок организация үндүргеш, Президентиниң грантызының деткимчези-биле “Тыва эки турачыларга тураскаадыг...” деп төлевилелди боттандырганын сагындыраал.

Хөй кижиниң сонуургалын оттурган улуг төлевилелге ТР-ниң Национал архиви, В.М. Халилов аттыг күрүне филармониязы, В. Көк-оол аттыг Национал хөгжүм-шии театры, Тываның Чазааның Т. Д. Дулуш аттыг үрер хөгжүм оркестри, ТывКу-нуң төөгү факультединиң, Кызылдың уран чүүл колледжиниң студентилери болгаш Кызылдың хоочуннар эвилели, маадырлыг танкычыларның салгалдары, шыңгыы кастинг(шилилге) эрткен улус болгаш күзелдиг кижилер киришкен.

Тываның төөгүзүнде балалбас исти арттырган үделге дугайында архив документилеринге үндезилеп тырттырган документалдыг фильмниң эң баштайгы көрүлдези Тиилелге хүнүнүң бүдүүзүнде, май 8-те 13:00 шакта "Найырал" кинотеатрга болур.

Ада-чурттуң Улуг дайынының маадырларын утпас дээш, оларның дугайында чырык сактыышкыннарны салгалдарга дамчыдар сорулгалыг боттандырган төлевилелдиң бүгү киржикчилерин болгаш республиканың чурттакчларын баштайгы көрүлдеже чалап турар.
Кым-даа, чүү-даа уттундурбаан!

Сорунза МОНГУШ.

ТР-ниң Национал архивиниң медээзи болгаш чуруктары.