Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Өг-бүлениң үндүрүг төлевири

5 июня 2024
18

Россияга 2026 чылдан эгелеп өг-бүлениң үндүрүг төлевирин киирер. Кымнар ону алырыл?

РФ-тиң күш-ажыл болгаш социал камгалал сайыды Антон Котяковтуң демдеглээни-биле алырга, ийи азы оон хөй ажы-төлдүг, бир кижиге онааштыр ортумак орулгазы амыдырап-чурттаарының регионалдыг адаккы хемчээлин 1,5 катап ашпайн турар кижи ап болур. Баш бурунгаар санаашкыннар-биле алырга, ындыг дузаламчыны 4 сая хире өг-бүлелер болгаш 10 сая уруглар, ооң иштинде Тывадан уруглар база алырлар.

«Президентиниң Айыткалының үезинде уруг-дарыглыг өг-бүлелерге үндүрүг чүъктешкизин чиигедир сорулганы салган турган, ажы-төл өзүп олурар өг-бүлелерге хүн-бүрүнүң чидиг айтырыгларын шиитпирлээринге хостуг акша-төгерик арткан турар ужурлуг дээрзин айыткан. Ынчангаш ийиги болгаш үшкү уругга чаңчылчаан үндүрүг шүүделиниң төлээшкин түңүн улгаттырганы-биле чергелештир, ийи азы оон хөй ажы-төлдү кижизидип турар ада-иелерге деткимче көргүзери-биле “өг-бүлениң үндүрүг төлевирин” киирип турар” — деп, РФ-тиң Күш-ажыл болгаш социал камгалал яамызының удуртукчузу тайылбырлаан.
Төлевир алырынга өй-кызыгаарлыг түң өг-бүлениң чурттап турары региондан хамааржыр. 2024 чылда Тывага ажылдап шыдаар шинектиг бир кижиге онааштыр амыдырап-чурттаарының эң адаккы хемчээли – 17 013 рубль болган.

“Өг-бүлениң үндүрүг төлевирин тыпсып тура, хүндүскү салбырда өөренип турар 23 хар чедир назылыг уругларны база өөренип көөр. Төлевирниң хемчээли төлеттинген үндүрүглерниң түңүнден хамааржыр болгаш өг-бүле бүрүзүнге тускайлаң болур”– деп, Күш-ажыл болгаш социал камгалал яамызының парлалга албаны дыңнаткан.

Деткимчениң чаа хемчээ өске социал пособиелер-биле бир дөмей өрелер дээш ушта бижилгеден камгалаттынган. Төлевирни уругларның саң-хөө хандырылгазынга киржип турар ада-иелерге адрестээн: өскээр чугаалаарга, алиментилер талазы-биле өре-ширелиг ада-ие өг-бүлениң үндүрүг төлевиринге кордаан эргези чок .

Төлевирни тыпсып тура, чүгле бир кижиге онааштыр ортумак орулганы эвес, а өг-бүлениң эт-сеп-биле хандырылгазын база өөренип көөр.
Акша-төгерикти алырда, Социал фондуже баар азы «Күрүне ачы-дузазы» порталды таварыштыр электроннуг билдириишкинни киирип болур. Чиигелделерни 2026 чылда киирери көрдүнген.

А. ХЕРТЕК белеткээн.

Чурукту интернеттен алган.


«Шын» №41 2024 чылдың июнь 5