Тыва Республиканың Чазааның Т. Дулуш аттыг үрер хөгжүм оркестриниң аъттарының баазазында бо хүннерде солун белеткел ажылы – джигиттээри (аъттыг сургуул кылыры) уламчылап турар.
Сагындырып каар чүүл — “Наадым-2025” республика байырлалының ажыдыышкынында Т. Дулуш аттыг үрер хөгжүм оркестриниң хөгжүмчүлери чаа төлевилелди чонга бараалгаткан. Ынчан олар аът кырынга джигиттээриниң 6 аңгы кезээ – “эзер кырынга доора чыдып алгаш халдыры”, “эзер чанынга бажын куду көрүндүр туруп алгаш халдыры”, “казактарныы дег астынары” дээш өске-даа.
Оркестрниң хөгжүмчүлеринге аъттың кара маңының үезинде джигиттээр бо-ла бүгү нарын шимчээшкиннерни Россияда билдингир актёр-каскадёр, 100 ажыг фильмнерге киржип каапкан аваангыр аргалар тургузукчузу, джигиттээр мөөрейлерниң кол шииткекчизи (мастер-джигит), Орлан Дыртыынаевич Монгуш өөредип, оларны белеткеп турар.
Бо белеткелдиң түңнели-биле оркестрниң хөгжүмчүлери удавас көрүкчүнү база катап кайгадыр.
/ Бистиң корр.
Медээни болгаш чуруктарны ТР-ниң Культура яамызының соцчеткиде арнындан алган.
“Шын” №20 2026 чылдың май 28
"Шын" солуннуң МАХ-каналынга каттыжыңар: max.ru/join/egenQ...