Айыыл чок чоруктуң баазалыг деңнелин хандырар оперативтиг штабтың шиитпири-биле Тыва даг-руда компаниязынга дараазында саналдарны идип үндүргенин Тываның Баштыңы Владислав Ховалыг социал четкиде бодунуң арнынга дыңнаткан:
Бирээде. Хууда кижилерге хөмүр-даш садарының хемчээлин (5 тоннадан хөй эвес) кызыгаарлаарын болгаш чуртталга бажыңынга хамаарышкан, хөй кезиинде хамаатыларның персоналдыг медээлери бар документилерни негээрин соксадыр.
Ийиде. Чурттакчы чонга хөмүр-дашты садар одаар чүүл складтары-биле агент дугуржулгаларны Тыва даг-руда компаниязы чарар.
Республиканың кожууннары-биле кады бо ажылды башкарары дээш регионнуң Одаар чүүл болгаш энергетика яамызы харыысалгалыг.
“Оперативтиг штабтың шиитпириниң хоолгазын РФ-тиң Президентизиниң администрациязынче, РФ-тиң Чазаанче (Чазак Даргазының оралакчызы А.В. Новакче), айыыл чок чорукту күштелдирер талазы-биле регионнар-биле ажылды башкарып турар күрүне комиссиязының удуртукчузу Москваның мэри С. Собянинче чорудар даалганы бердим” – деп, Тываның Баштыңы сагындырган.
Чурук ажык дөстерден.