«Инновациялыг бизнес-навигатор – 2023» деп төлевилел бизнес хөгжүдеринге деткимче болур.
Сайгарлыкчыларныӊ тургускан төлевилелдерин бизнестиӊ эртем-мергежилиниӊ талазы-биле сайгарып көргеш, арга-дуржулгазын үлежип, боттуг сүмени бээр.
Бо ажылды 2017 чылдан тура «Регионнар хөгжүдер төп болгаш Россияныӊ үлетпүржүлериниӊ болгаш сайгарлыкчыларыныӊ эвилели» деп акционерлиг ниитилел, «Бизнес-школа» кызыгаарлаттынган харыысалгалыг ниитилел кылып чорудуп турар.
Бизнес-төлевилелдерни 2023 чылдыӊ февраль 16-га чедир хүлээр. Онлайн өөредилге соонда, «Улуг өскерлиишкиннерлиг байдалда бизнести таарымчалыг чорудары» деп программа талазы-биле билиин бедиткениниӊ дугайында Бизнес-школаныӊ сертификадын бээр.
Шилиндек бизнес төлевилелдерни улаштыр хөгжүдеринге деткимче акша-хөреӊгини бээр. Сайгарлыкчы чорукту эгелеп алырынга (стартап) 300 муӊ рубль тускай шаӊналды тыпсыр.
Бо программага кандыг-даа сайгарлыкчылар киржип болур дээрзин
Тываныӊ Экономика яамызы дыӊнадып турар.
Халас өөредилге – боттуг деткимче
10 февраля 2023
40