Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Харааданчыг чалыы назын

16 мая 2024
10

Чуртта болуп турар тускай шериг операциязынга төрээн чуртун камгалажыр дээш чорааш, харам чокка амы-тынын маадырлыы-биле берген Тес-Хем кожууннуң Чыргалаңды оглунуң дугайында таныштырар-дыр мен.

Доржу-Белек Александрович Шойдак Тес-Хем кожууннуң Белдир-Арыг суурга 1993 чылдың ноябрь 19-та ажылчын өг-бүлениң хеймер оглу болуп төрүттүнген. Ол 2011 чылда Чыргалаңды ортумак школазының 11-ги клазын чедиишкинниг дооскан. 2011–2012 чылдарда шериг албан-хүлээлгезин Дагестанның Буйнакск хоорайга эрттирген. 2018 чылга чедир Чечен Республикага болгаш Сирияга керээ езугаар шериг албанын уламчылаан.

2019 чылда төрээн суурунга чанып келгеш С.К. Ланзыы аттыг культура одаанга хөгжүм удуртукчулап, ооң-биле чергелештир «Дамырак» хөгжүм ансамблин удуртуп, уран-талантызын чонунга бараалгадып чораан. Чыргалаңды ортумак школазының директорунуң хоойлу-дүрүм үрээшкининге профилактика талазы-биле оралакчызы болуп ажылдаан үелери база бар.

Доржу-Белек ада-иезиниң, угбазының ынаныштыг чөленгиижи, 2 ажы-төлүнүң ынак адазы, өөнүң иштиниң эргим эжи, төрелдериниң чоргааралы, эш-өөрүнүң шынчы эжи чораан. Ону чоок кижилери, эш-өөрү, чаңгыс чер чурттуглары дыка биче сеткилдиг, ажык чаңныг, быжыг туруштуг, шевер, уран талантылыг, орлан-шоваа, дузааргак кижи деп билир.

Африкага шериг херээн эрттирип тургаш, «Toumba zende» деп шериг операциязынга киришкеш, шылгараңгай дидим чоруу дээш «Шеригжи чедиишкиннер», «Шериг үлүүнүң сылдызы» деп хөрек демдектери-биле шаңнаткан.

2023 чылда 55115 мото-адыгжы (даг) бригадазынга хайгыылчы кылдыр керээ чаргаш, тускай шериг операциязынга төрээн чуртунуң, чонунуң тайбың чуртталгазы дээш изиг тулчуушкунга Авдеевка хоорайны хосташкаш, Водяное деп суурга хайгыылчылап чорааш, дүнеки ужар чепсектиң частыышкынынга таварышкаш, маадырлыы-биле мөчээн.

Маадырны «Эрес-дидим чорук дээш» деп медаль база «Эрес-дидим чорук» ордени-биле мөчээн соонда шаңнаан.

Севил ШОЙДАК,
ТывКУ-нуң филология факультединиң 4-кү курсчузу.

«Шын» №35 2024 чылдың май 15