Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Хоочунга чылыг белек

19 мая 2023
17

Май 5-те Тес-Хемниң Куран арбанга сураглыг чогаалчы, журналист өгбевис Кара-Күске Чоодунуң 87 харлаанынга тураскааткан кончуг солун хемчег эрткен. Хоочун чогаалчыга байыр чедирери-биле Тес-Хем кожуун болгаш Шуурмак суму чагыргаларындан, Самагалдайда К-К.К. Чооду аттыг ном саңындан, Кур-Чер суурдан аалчылар төлээлеп келген. Улуг өгбе чаңгыс чер чурттуунга келген аалчылар байыр чедириишкинниң чылыг-чымчак сөстерин болгаш суй белектерни сөңнээн.

Хемчегниң эң-не солун кезээ — Кара-Күске Чоодунуң шүлүктерин болгаш ырыларын күүседир мөөрей. «Куранның энелери» ансамблиниң хоочуннары мөөрейни бедик деңнелге организастап эрттирген.

Куранның төлептиг чурттакчылары, күш-ажылдың хоочуннары Алдын-кыс Комбу, Биче-оол Соян, Оюмаа Аракчаа, Нина Чамдыылай, Марина Упсаар база Кур-Чер, Шуурмак сумулардан келген школачылар мөөрейге идепкейлиг киришкеннер. Оюмаа Чорбаевна хөй чылдар дургузунда уруглар садынга ажылдап чораан болгаш, Ч. Кара-Күскениң чаштарга бижээн ырыларын күүсеткени, Биче-оол Даяевич Кара-Күске Күнзековичиге тураскаадып бижээн шүлүктерин номчуп бергени чыылганнарны аажок сонуургадып хөглеткен.

Төрүттүнген хүнүн мындыг чылыг-чымчак байдалга демдеглеп эрттиргенинге чогаалчы дыка өөрүп, дыштанып алган. Аалчыларының берген белектериниң аразындан куранчыларның сөңнээн белээ — чылыг хөректээш, ооң мага-бодун чылдып, сагыш-сеткилинге уттундурбас сактыышкынны арттырар боор.

Арслан АРАКЧАА.
Авторнуң тырттырган чуруктары.

"Шын" №35 2023 чылдың май 17