Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Хоорайныӊ оттары

11 июля 2023
21

Тываныӊ найысылалы «Хоорайныӊ оттары» деп чаа иштики программаныӊ ачызында чырык апаар. Ол программаны республиканыӊ Баштыӊы саналдаан.

Найысылалдыӊ төп кудумчуларында хөй аал чурттаар элээн каш бажыӊнарныӊ даштын чараштыр септеп, хоорайныӊ каът бажыӊнарыныӊ кырынга чырыыр бижиктер тургузуп, бар турган чүүлдерни катап кылып турар.

Ол бүгү ажылды Тываныӊ Баштыӊы Владислав Ховалыгныӊ даалгазы-биле республиканыӊ коммерциялыг эвес үндезин септелге фондузу кылыр. Ленин кудумчузунуӊ 24, 53, 60 биле 64 дугаарлыг бажыӊнарыныӊ, Кочетов кудумчузунда 2, 59/2, 102 биле 106 дугаарлыг бажыӊнарныӊ үндезин септелгези бо чылдыӊ планында. Ук объектилерниӊ чартык кезииниӊ септелгези доозулган.

Ленин кудумчузунда 24 дугаар бажыӊныӊ даштын чугайлааш, эрги карнизтерин адыргаш, ооӊ орнунга чаа карнизтерни эптеп кылган.

Кочетов кудумчузунда 2 дугаар бажыӊныӊ даштында хоорулган черлерни катап малгаштап дескилээш, подъезтериниӊ соӊгаларын септээниниӊ ачызында ол бажыӊ элээн чаарттынган.

Кочетов кудумчузунда 106 дугаар бажыӊныӊ даштын чаартырындан аӊгыда, ооӊ крышазында «Пользуйтесь воздушным транспортом» деп бижикти чырып турар кылдыр кылган.

Хөй аал чурттаар бажыӊнарныӊ үндезин септелгезиниӊ регионалдыг программазыныӊ «Хоорайныӊ оттары» деп тускай иштики чаа программазын бо чылын ажылдап кылган. Кызылдыӊ хөй квартиралыг бажыӊнарыныӊ кырында бижиктерни (чарлалдарны) катап кылыр болгаш чаа бижиктер тургузар талазы-биле кампанияны «Хоорайныӊ оттары» иштики программаныӊ шугуму-биле организастаан.
Тываныӊ найысылалынга амгы үениӊ овурун киирери, ол ышкаш аныяк-өскенни патриотчу чорукка кижизидери-биле республиканын Баштыӊы иштики программаны саналдаан. Чижээлээрге, Московская кудумчузунда 123 дугаар бажыӊныӊ кырында «2023 — Год народной сплочённости в Туве» деп чырыктыг бижикти тургускан. Дружба кудумчузунда 15 дугаар бажыӊныӊ кырында «Планы партии выполним», Кечил-оол кудумчузунда 7 дугаар бажыӊныӊ кырында «В единстве наша сила» деп бижиктер караӊгыда чырып турар.

Бо чылдыӊ төнчүзүнге чедир Кызылда хөй аал чурттаар сес бажыӊныӊ даштын септеп база алды бажыӊныӊ кырынга неоннуг сайгылаанныг бижиктер чырый бээр дээрзин коммерциялыг эвес үндезин септелге фондузу тайылбырлаан.

Тываныӊ найысылалын «Хоорайныӊ оттары» иштики чаа программаныӊ кызыгаары-биле 2024—2025 чылдарда улаштыр шимеп каастаар.


Тываныӊ Чазааныӊ медээлеринден Р. Демчик белеткээн.